„Þátttaka í atkvæðagreiðslunni hjá Rafiðnaðarsambandinu var komin upp í 23,4% klukkan hálfsjö [á miðvikudagskvöld]. Það er ágætis þátttaka. Við viljum samt sem áður töluvert meira.“

Þetta segir Kristján Þórður Snæbjarnarson, formaður Rafiðnaðarsambands Íslands, í Morgunblaðinu í dag, spurður um atkvæðagreiðslu félagsmanna um kjarasamninga samflots iðnaðarmanna og Samtaka atvinnulífsins sem undirritaðir voru fyrir tveimur vikum.

Atkvæðagreiðsla um samningana er nú í fullum gangi meðal félaganna en spurður hvort hann hefði upplýsingar um kosningaþátttöku annarra félaga sagði Kristján að tölurnar hefðu verið örlítið lægri.

Tengdar fréttir

Kjaraviðræður

Aðalsteinn snýr aftur í Karphúsið

• „Mætti ganga hraðar“
• „Okkur þykir Isavia fullrólegt“
• Kjaradeilu vísað til ríkissáttasemjara
• Jöfnun launa milli markaða forsenda kjarasamninga

» Fleiri tengdar fréttir