Allt orðið kalt í vélarrúmi Sóleyjar

Reykkafarar varðskipsins fóru niður í vélarrúmið en þar var allt …
Reykkafarar varðskipsins fóru niður í vélarrúmið en þar var allt orðið kalt og enginn merki um hita eða reyk. Landhelgisgæslan/Guðmundur St. Valdimarsson

Fimm úr áhöfn varðskipsins Týs fóru um borð í Sóleyju Sigurjóns, rækjutogara þar sem eldur kom upp í vélarrúmi í gærkvöldi, til að kanna aðstæður á sjötta tímanum í morgun.

Reykkafarar fóru niður í vélarrúmið, en þar var allt orðið kalt og engin merki um hita eða reyk, að því er segir í tilkynningu frá Landhelgisgæslunni.

Múlaberg er með Sóleyju í togi á leið til Akureyrar, þar sem þyrla Landhelgisgæslunnar, TF-LIF, var til taks í nótt eftir að hafa híft tvo skipverja um borð í nótt.

Ekkert amaði að áhöfn Sóleyjar Sigurjóns, en ákveðið var að fækka í henni.

Það var kl. 21:12 í gær­kvöldi þegar stjórn­stöð Land­helg­is­gæsl­unn­ar barst neyðarkall frá rækju­tog­ar­an­um Sól­eyju Sig­ur­jóns GK-200 vegna elds sem var laus í vél­ar­rúmi skips­ins. Átta voru um borð en skipið var þá statt um 90 sjó­míl­ur norður af land­inu. 

Múlaberg dregur Sóleyju Sigurjóns til hafnar á Akureyri.
Múlaberg dregur Sóleyju Sigurjóns til hafnar á Akureyri. Landhelgisgæslan/Guðmundur St. Valdimarsson
Fimm úr áhöfn Týs fóru um borð í Sóleyju til …
Fimm úr áhöfn Týs fóru um borð í Sóleyju til að kanna aðstæður. Landhelgisgæslan/Guðmundur St. Valdimarsson
Landhelgisgæslan/Guðmundur St. Valdimarsson
mbl.is