Telur þátttökubann ólíkleg viðurlög

Magnús Geir Þórðarson útvarpsstjóri segist skilja Hatara að mörgu leyti ...
Magnús Geir Þórðarson útvarpsstjóri segist skilja Hatara að mörgu leyti fyrir uppátækið og kveður það ekki hafa komið sér neitt gríðarlega á óvart. mbl.is/Þórður

„Okkur hefur ekki borist neitt frá EBU (samtökum evrópskra sjónvarpsstöðva) og sjáum til hvort svo verður,“ sagði Magnús Geir Þórðarson útvarpsstjóri í Morgunþættinum á Rás 2 í morgun um mögulega eftirmála þess að nokkrir liðsmenn Hatara hafi haldið á lofti borðum með palestínska fánanum í útsendingu frá stigagjöf Eurovision.

Spurður hvort hann telji möguleg viðurlög geta falið í sér að Íslandi yrði meinuð þátttaka í keppninni á næsta ári, sagðist hann telja  „óeðlilegt og undarlegt“ ef viðurlögin yrðu svo mikil.

Magnús Geir sagði aðstæður óneitanlega hafa verið sérstakar og listamennirnir hafi tekið þessa ákvörðun í hita leiksins. Þá minnti hann á að þetta sé ekki í fyrsta skipti sem fánum annarra þjóða en þeirra sem taki þátt hafi verið veifað í Eurovision. Þannig hafi samíski fáninn til að mynda sést undir framlagi Noregs í undankeppninni í síðustu viku.

„Mér þykir það mjög ólíklegt að það verði einhver slík viðurlög. Það er líklegra að það verði kannski gerð formleg athugasemd við þetta,“ sagði hann og ítrekaði að þetta væri bara hans vangaveltur.

Hatarar veifuðu borðum með palestínska fánanum og öll Evrópa fylgdist ...
Hatarar veifuðu borðum með palestínska fánanum og öll Evrópa fylgdist með. Skjáskot/RÚV

Meðvituðuð um að þetta var ekki sykurhúðað framlag

Hann segir RÚV ekki hafa haft vitneskju um þá ætlun Hatara að hafa fánana á lofti, en RÚV sé heldur ekki búið að gera athugasemd við listamennina eftir keppnina vegna atburðarins. „Þetta var kannski hluti af þeirra plani, en þetta var ekki hluti af plani RÚV,“ sagði Magnús Geir.

„Við hins vegar erum alveg meðvituð um að þegar þjóðin valdi Hatara þá vitum við að við erum ekki að fara með sykurhúðað framlag. Þarna eru listamenn sem liggur mikið á hjarta og það er jú eðli listarinnar að spyrja áleitinna spurninga og velta upp nýjum flötum.“ Sjálft atriðið sé þess eðlis. „Það slær mann svolítið utan undir og það er auðvitað eldfimmt ástand á þessum slóðum og það er hlutverk listarinnar að  spyrja spurninga.“

Magnús Geir sagðist vera gríðarlega ánægður með framlag Íslands í ...
Magnús Geir sagðist vera gríðarlega ánægður með framlag Íslands í Eurovision þetta árið og atriðið væri að hans mati eitt flottasta íslenska atriðið til þessa. AFP

Gríðarlega ánægður með framlag Íslands

Sjálfur sagðist Magnús Geir vera „gríðarlega ánægður“ með framlag Íslands þetta árið. „Mér finnst þetta eitt flottasta, ef ekki flottasta, framlag Íslands í keppnina til þessa,“ sagði hann. „Þetta er risastór listrænn gjörningur, listaverk sem gengur algjörlega upp á sínum forsendum. Mér finnst þetta vera flott sviðsett, flott á sviðinu, lagið flott og mér finnst framganga Hatara hafa verið verið virkilega flott í fjölmiðlum. Við höfum náð mikilli athygli. Þeir dansa á línunni og það er erfitt og krefjandi verkefni í þessum mikla sirkus sem Eurovision er.“

Kvaðst útvarpsstjóri skilja Hatara að mörgu leyti. „Ég get ekki sagt að það hafi komið mér gríðarlega á óvart,“ sagði hann um uppátækið.

Magnús Geir játaði hann hefði vissulega verið örlítið stressaður fyrir úrslitakvöldið. „Þegar maður tekur þátt í svona þá er maður ekkert rólegur, sérstaklega í þessu tilviki þegar þetta er svona eldfimt efni. Ég neita því ekki að ég var ekki pollrólegur þetta kvöld,“ sagði hann og bætti við að hann hefði verið ánægður að sjá er atriðinu var siglt í höfn þetta kvöld.

mbl.is

Innlent »

Kæru Vigdísar vísað frá

13:25 Kæru Vigdísar Hauksdóttur, borgarfulltrúa Miðflokksins, um ógildingu borgarstjórnarkosninganna í Reykjavík í fyrra, er vísað frá kjörnefnd sem falið var að úrskurða um kæruna. Meira »

Skýrslan varpi ljósi á samskiptavanda

13:12 Björn Leví Gunnarsson, fulltrúi Pírata í fjárlaganefnd, segir í samtali við mbl.is að honum hafi litist bæði „nokkuð vel og illa“ á það sem fram kemur í skýrslu Ríkisendurskoðunar um Íslandspóst og rætt var um á nefndarfundi á Alþingi á morgun. Meira »

Vilja kvóta til að flytja inn lambakjöt

13:05 Skortur á lambahryggjum er staðreynd, ef marka má Samtök verslunar og þjónustu. Þar á bæ hvetja menn til þess að skoða það hvort úthluta megi tollkvóta til innflutnings á lambahryggjum. Meira »

Mótorhjólum ekið utan vega

13:00 „Þetta er ofsalega sorglegt,“ segir landvörður í samtali við mbl.is. Umhverfisstofnun hefur tilkynnt utanvegaakstur á jarðhitasvæðinu við Sogin í vesturjaðri Reykjanesfólkvangs til lögreglu. Landvörður kom auga á förin 9. júní og kæra var send fimm dögum síðar. Meira »

400 metra borgarísjaki innan breiðunnar

12:57 Hafísbreiðan undan Vestfjörðum er nú næst landi um 34 sjómílur norðvestur af Straumnesi og 40 sjómílur norður af Kögri. Um 400 metra langur borgarísjaki er innan breiðunnar. Meira »

Sakar Landvernd um dylgjur

12:44 VesturVerk segist ekki hafa fengið neinar upplýsingar um að landamerki í Ófeigsfirði séu með þeim hætti sem landeigendur Drangavíkur lýstu í kæru sinni til Úrskurðarnefndar umhverfis- og auðlindamála sem lögð var fram í gær. Meira »

Nató-aðild Íslands „fíllinn í stofunni“

12:28 „Hernaður er ömurlegasta stig mannlegrar tilveru og grátlegt er að horfa upp á þá gegndarlausu sóun sem á sér stað í hernaðaruppbyggingu í heiminum, með fjármunum sem mætti svo hæglega nýta til annarra og betri hluta,“ skrifar Kolbeinn Óttarsson Proppé, þingmaður VG, á Facebook. Meira »

Malbikun á Vesturlandsvegi og Hringbraut

12:15 Lögreglan á höfuðborgarsvæðinu vekur athygli á ýmsum framkvæmdum sem fyrirhugaðar eru á höfuðborgarsvæðinu í dag og biðlar til ökumanna að sýna biðlund og þolinmæði í umferðinni. Meira »

Varar við áfengisneyslu í hitabylgjunni

11:39 Landlæknir segir að þeir sem verði staddir á meginlandi Evrópu núna þegar hitabylgju er spáð, ættu að drekka vel af vökva, en þó ekki áfenga drykki, enda sé alkóhól þvagmyndandi og geti enn aukið á vökvatap af sól og hita. Meira »

Tillitssemi númer eitt, tvö og þrjú

11:28 Hjólreiðakeppnin WOW Cyclothon hefst í kvöld og búast má við fjölgun hjólreiðafólks á þjóðvegunum í vikunni á meðan keppnin stendur yfir. Rúm­lega 570 kepp­end­ur hafa skráð sig til þátt­töku og leggja ein­stak­ling­ar og kepp­end­ur í Hjólakrafts­flokki af stað frá Eg­ils­höll klukkan sjö í kvöld. Meira »

Ákærður fyrir stórfellda árás í Eyjum

10:40 Karlmaður á þrítugsaldri hefur verið ákærður fyrir stórfellda líkamsárás, sem átti sér stað á tjaldsvæðinu við Áshamar í Vestmannaeyjum 31. júlí 2016. Mál hans var þingfest fyrir Héraðsdómi Reykjaness í gær. Meira »

Lögreglan leitar andapars og kinda

10:06 Lögreglan á Suðurnesjum hefur á borði afar óvenjuleg mál þessa dagana, en hún leitar nú að andapari annars vegar og tveimur kindum hins vegar. Meira »

Yfir eitt þúsund kröfur í búið

08:26 Alls bárust 1.038 kröfur í tryggingarfé Gaman ehf. (Gamanferða) en frestur til kröfulýsingar rann út í síðustu viku. Gert er ráð fyrir að það taki mánuði að fara yfir kröfurnar og taka afstöðu til þeirra. Meira »

Margbrotið mannlíf í miðborginni

08:18 Sólin er að færa sig á austanvert landið eftir góða þjónustu í þágu íbúa Suður- og Vesturlands í sumar. Því ræður suðvestanáttin sem nú er ríkjandi. Meira »

Fjöldi heilabilaðra mun tvöfaldast

07:37 „Það er stórkostlegur áfangi að fá loksins stefnu í þessum málaflokki, þannig að hægt sé að fara að vinna eftir henni. Vonandi verður mótuð aðgerðaráætlun og farið af alvöru í þennan málaflokk sem er svo brýnn,“ segir Vilborg Gunnarsdóttir, framkvæmdastjóri Alzheimersamtakanna. Meira »

Jómfrúarferð Herjólfs í Landeyjahöfn

07:00 Herjólfur IV sigldi í fyrsta sinn í Landeyjahöfn á föstudag og gekk siglingin eins og áætlanir gerðu ráð fyrir.   Meira »

Hitinn víða yfir 20 stig

06:36 Útlit er fyrir svipað veður næstu tvo daga og líklegt að hiti fari víða yfir 20 stig á austurhelmingi landsins, að sögn veðurfræðings á Veðurstofu Íslands. Meira »

Þreyttir á virðingarleysi áhrifavalda

06:30 Íslendingar eru orðnir þreyttir á virðingarleysi áhrifavalda á Instagram en yfir 10 milljónir mynda hafa birst á samfélagsmiðlinum frá Íslandi, segir í frétt BBC. Þar segir að Ísland sé vinsæll áfangastaður þeirra sem vilja ná fullkominni mynd. Meira »

Þrír í haldi vegna heimilisofbeldis

05:58 Lögreglan á höfuðborgarsvæðinu handtók þrjá grunaða um heimilisofbeldi og eru þeir vistaðir í fangageymslum lögreglunnar.   Meira »
www.apartment-eyjasol.is - Reykjavik-
1 and 2 bedroom apartments in Reykjavik. Beds for 4-6 pers. Be welcome eyjasol@...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
4949 skart hálfesti og armband
Útskriftargjöf, Er með nokkrar hálsfestar og armbönd úr 4949 línunni til sölu h...