Fleiri Þristar til sýnis
Setja bókamerki
Þær hafa líklega ekki farið framhjá mörgum, svokallaðar þristavélar, DC-3- og C-47-flugvélar, frá Bandaríkjunum, sem hafa lent á Reykjavíkurflugvelli síðustu daga. Fimm Þristar til viðbótar á leið frá Ameríku til Bretlands lenda í Reykjavík síðdegis og í kvöld.
Fjórir Þristanna eru þegar lentir og von er á þeim fimmta um klukkan 18. Vélarnar verða til sýnis á Reykjavíkurflugvelli í kvöld milli klukkan 19 og 21.
Þá er ráðgert að Þristurinn Páll Sveinsson komi til Reykjavíkur um kvöldmatarleytið og verður hann einnig á stæðinu norðan við Hótel Loftleiðir með bandarísku vélunum.
Fjölmargir lögðu leið sína á Reykjavíkurflugvöll á þriðjudagskvöld til að skoða Þristana sem þá voru lentir og búast má við að áhuginn verði ekki síðri í kvöld.
Flugvélarnar í þessum hópi bera gælunöfnin Betsy's Biscuit Bomber, Virginia Ann, Pan Am, Flabob Express og D-Day Doll.
Vélarnar eru í leiðangrinum D-Day Squadron og koma til Reykjavíkur á leið sinni frá Bandaríkjunum til Frakklands til að taka þátt í athöfn í Normandí 6. júní. Þann dag verða 75 ár liðin frá innrásinni í Normandí sem fjöldi DC-3-véla tók þátt í.
Innviðir þandir og álagið „gríðarlegt“
Aðeins ein leið fær í Grindavíkurmálum
Ofsóttur innan veggja Boeing
Sárt að horfa upp á illa meðferð fjármuna
Þrjú og hálft ár fyrir skotárás í Úlfarsárdal
Hafa samþykkt kaup fyrir um 9,2 milljarða