Fjarlægði hættulegt rör úr sjó

Mikill fjöldi landsmanna hefur undanfarið verið öflugur við að hreinsa upp rusl víða um land. Ruslið leynist þó ekki bara á landi, því Landhelgisgæslan greinir frá því á Facebook-síðu sinni í dag að áhöfn flutningaskips sem var á leið frá landinu hafi í vikunni tilkynnt varðskipinu Þór um rekald á sjó vestan við Sandgerði.

„Áhöfn varðskipsins brást hratt og örugglega við beiðninni og fjarlægði rekaldið úr sjónum. Þarna var á ferðinni plaströr með stáli á endunum sem hefði geta reynst smærri skipum hættulegt,“ segir í færslunni. 

Eitt af lögbundnum hlutverkum Landhelgisgæslunnar sé enda „að tilkynna um, fjarlægja eða gera skaðlaus reköld, tundurdufl, sprengjur eða aðra hluti sem sjófarendum getur stafað hætta af auk sprengjueyðingar á landi“.

• Blogga um frétt