Héraðssaksóknari hefur ákært 21 árs gamlan karlmann fyrir að brjóta kynferðislega gegn 13 ára gamalli stúlku. Þegar meint brot átti sér stað var maðurinn 18 ára. Í ákæru málsins segir að hann hafi látið stúlkuna hafa við sig munnmök og haft samræði við hana.

Er hann ákærður fyrir brot á 1. mgr. 202. greinar almennra hegningarlaga, en þar segir að hver sá sem hafi samræði eða önnur kynferðismök við barn yngra en 15 ára skal sæta fangelsi ekki skemur en 1 ár og allt að 16 árum.

Þá fer móðir stúlkunnar, fyrir hönd hennar, fram á að maðurinn verði dæmdur til að greiða 3,5 milljónir í skaða- og miskabætur vegna málsins. Málið er þingfest í Héraðsdómi Reykjavíkur í dag.

Tengdar fréttir

Kynferðisbrot

Nauðgaði kærustu sinni og tók það upp

• Landsréttur mildar þriggja ára nauðgunardóm
• Þriggja ára nauðgunardómur staðfestur
• Sýknuð af ákæru um að ljúga til um nauðgun
• Dómur vegna kynferðisbrota árið 2017 óraskaður

» Fleiri tengdar fréttir

• Blogga um frétt