Eðlilegt að allt sé uppi á borðum

Katrín Jakobsdóttir forsætisráðherra segir sjálfsagt að fjármálaráðuneytið veiti upplýsingar um ...
Katrín Jakobsdóttir forsætisráðherra segir sjálfsagt að fjármálaráðuneytið veiti upplýsingar um gamla kjararáð. mbl.is/Árni Sæberg

„Mér finnst eðlilegt að opinberar nefndir haldi fundargerðir yfir sín störf,“ segir Katrín Jakobsdóttir forsætisráðherra um þann skort á upplýsingum sem hefur verið um ákvarðanir kjararáðs eftir að það var lagt niður. 

mbl.is hefur fjallað um að engar upplýsingar hafi fengist frá kjararáði né fjármálaráðuneytinu um það hvaða forstjórar ríkisstofnana fengu launahækkun í desember 2011.

„Ég kann ekki frekari skýringar á tilteknum málum en ég vænti þess að fjármálaráðuneytið sé að sjálfsögðu tilbúið til að veita upplýsingar um þau,“ segir Katrín. „Að sjálfsögðu er eðlilegt að svona starfsemi sé skráð í fundargerðir og að þar sé allt uppi á borðum,“ segir Katrín.

„Ég ætla ekki að segja að við hættum að rífast“

Hún segist þá vongóð um að nýtt fyrirkomulag, sem liggur fyrir þingi, eigi að skapa sátt í þessum málum. „Ég ætla ekki að segja að við hættum að rífast um það, ég ætla ekki að lofa því. En þetta er að minnsta kosti gerbreytt fyrirkomulag sem hefur verið tiltölulega mikil sátt um á Norðurlöndum,“ segir Katrín.

„Markmiðið okkar er fyrst og fremst gagnsæi, samræmi í launaákvörðunum og fyrirsjáanleiki,“ segir Katrín um frumvarp sem liggur fyrir þinginu. Það frumvarp á að verða eins konar staðgengill kjararáðs en mun þó ekki felast í ákvörðunum hóps um laun heldur árlegum útreikningum byggðum á meðallaunum ríkisstarfsmanna. Með þeim hætti eigi kjör æðstu embættismanna og kjörinna fulltrúa að vera ákvörðuð, nái frumvarpið fram að ganga.

Katrín segir að nýja fyrirkomulagið byggi á þeirri vinnu sem var unnin í aðdraganda þess að kjararáð var lagt niður. „Hvað varðar kjararáð er það morgunljóst að fyrirkomulagið hefur verið umdeilt lengi, það hefur verið kvartað undan skorti á gagnsæi og undan því að launahækkanir hafi komið í kippum og með óvæntum hætti, þannig að þegar við settumst við borðið með aðilum vinnumarkaðarins í byrjun árs 2018 var þetta eitt af því sem stóð upp úr, að þessu þyrfti að breyta,“ sagði Katrín.

Katrín segir þannig að fyrirhugaðar breytingar á tilhögun launa æðstu embættismanna og stjórnenda hjá ríkinu séu fyrstu breytingar þar að lútandi sem gerðar eru með aðkomu aðila vinnumarkaðarins. „Með þeim var alveg farið yfir þetta fyrirkomulag. Einnig var farið yfir fyrirkomulagið annars staðar á Norðurlöndunum. Niðurstaðan varð þetta frumvarp, sem liggur fyrir þinginu, sem gerir fyrirkomulagið gagnsærra.

Auk þess verði þeim fækkað sem heyra undir þessa launaákvörðun, sem verður háð útreikningi á meðallaunum ríkisstarfsmanna. Fleiri verði færðir undir kjara- og mannauðssýslu fjármálaráðuneytisins, eins og forstöðumenn ríkisstofnana. Nýja fyrirkomulagið muni eiga við æðstu embættismenn ríkisins svo og kjörna fulltrúa.

Frumvarpið er komið út úr nefndum og gæti verið tekið til umræðu á þessu þingi ef tími gæfist. „Við ræðum það ef við ræðum einhvern tímann eitthvað annað en orkupakkann,“ segir Katrín. Ekkert sé því til fyrirstöðu.

mbl.is

Bloggað um fréttina

Innlent »

Allt brjálað af gleði á Lækjargötu

15:07 Gleðigangan er komin alla leið niður í Hljómskálagarð og þeir sem biðu hennar fyrir utan MR tóku henni mjög vel þegar hún átti þar leið hjá. Nú eru það tónleikar í sólinni. Meira »

Bíll dreginn úr Hvalfjarðargöngum

14:27 Bifreið bilaði í Hvalfjarðargöngunum skömmu eftir hádegi og göngunum lokað um stund af þeim sökum.   Meira »

Gunni og Felix fremstir í flokki

14:01 Gunni og Felix eru kapteinar á Gunna og Felix vagninum. Átta dansarar, einn plötusnúður og stór diskókúla. „Þetta er auðvitað bara ein stór fjölskylda,” segir Gunni. Gleðigangan er farin af stað frá Hallgrímskirkju. Meira »

„Sterk rök með og á móti“

13:41 Tvennu þarf að svara eigi RÚV að fara af auglýsingamarkaði, segir forsætisráðherra. Mun aðgerðin hjálpa öðrum innlendum fjölmiðlum og er unnt að tryggja að RÚV verði ekki fyrir tekjutapi? Meira »

Ruslatunnur í Vestmannaeyjum gæddar lífi

13:32 Litríkar furðuverður hafa lífgað upp á ruslatunnur í Vestmannaeyjum í sumar. Frænkurnar Ísabella Tórshamar og Guðný Tórshamar standa á bakvið listaverkin, sem hafa vakið mikla athygli meðal bæjarbúa og ferðamanna. Meira »

Gleðigöngufólk reimar á sig skóna

12:00 Aldrei hafa fleiri atriði verið skráð til þátttöku í Gleðigöngu Hinsegin daga, sem leggur af stað frá Hallgrímskirkju kl. 14 í dag. Þaðan verður gengið eftir Bankastræti, Lækjargötu og Fríkirkjuvegi og mun gangan svo enda við Hljómskálagarðinn þar sem taka við glæsilegir útitónleikar. Meira »

„Viðbjóðslegur“ eyðibíll bifast ekki

11:36 Það veit enginn hver á „viðbjóðslega“ eyðibílinn sem situr sem fastast á nemendabílastæðinu við Menntaskólann í Reykjavík. Fyrrverandi inspector automobilum hefur þungar áhyggjur af framhaldinu. Meira »

Fyrsti íslenski bjórsérfræðingurinn

10:50 „Þetta er eins konar þekkingarvottun innan bjóriðnaðarins,“ segir Hjörvar Óli Sigurðsson, 25 ára barþjónn á Brewdog Reykjavík við Hverfisgötu. Meira »

„Leiðinlega hvasst“ sumstaðar í dag

10:12 Það verður „leiðinlega hvasst“ sumstaðar á landinu í dag, samkvæmt ábendingum frá veðurfræðingi á vef Vegagerðarinar. Gular viðvaranir eru í gildi vegna hvassviðris á Suðausturlandi, Austfjörðum, Faxaflóasvæðinu og við Breiðafjörð. Meira »

Ekki mitt að dæma

09:06 Á Norðurlandi eystra hefur Halla Bergþóra Björnsdóttir gegnt stöðu lögreglustjórans síðan í ársbyrjun 2015. Halla nýtur sín vel í starfi enda hefur hún brennandi áhuga á löggæslumálum. Hún segir lögreglu eiga fyrst og fremst að þjóna almenningi, tryggja öryggi og hjálpa fólki í viðkvæmri stöðu. Meira »

Vel heppnuð hátíð á afskekktri eyju

08:30 „Þetta var sannkölluð ævintýraferð og gekk öllum vonum framar,“ segir Hrafn Jökulsson, forseti Hróksins. Á fimmtudag lauk hátíð Hróksins í Kullorsuaq, 450 manna þorpi á samnefndri eyju á 74. breiddargráðu við vesturströnd Grænlands. Meira »

Rauðber dreifast víðar um land

08:18 Rauðberjalyng hefur fundist víðar um land en áður en tegundin hefur nú numið land í Munaðarnesi í Borgarfirði og víðar í héraðinu. Þetta kemur fram á vefsíðu Skógræktarinnar. Meira »

Innkalla 376 Volvo-bifreiðar

08:18 Bílaumboðið Brimborg hefur tilkynnt Neytendastofu um að innkalla þurfi 376 Volvo-bifreiðar af ýmsum gerðum sem framleiddar voru á árunum 2014 til 2019. Frá þessu er greint á vef Neytendastofu. Meira »

Fékk þakkarbréf 16 árum síðar

08:03 Bjarni Benediktsson fjármála- og efnahagsráðherra fékk fyrr í sumar þakkarbréf frá spænskri konu sem hann skutlaði frá Keflavíkurflugvelli til Reykjavíkur árið 2003, fyrir sextán árum síðan. Meira »

Ekki tekst að ljúka framkvæmdun fyrir skólabyrjun

07:57 Í sumar hafa staðið yfir framkvæmdir í nokkrum skólum Reykjavíkur. Ekki mun takast að ljúka öllum framkvæmdum áður en skólastarfið hefst í næstu viku. Meira »

Engir loftgæðamælar við hafnir

07:37 Draga má þá ályktun af niðurstöðum loftgæðamælinga við Hof á Akureyri að útblástur svifryks, niturdíoxíðs og brennisteinsdíoxíðs frá skemmtiferðaskipum hafi ekki haft heilsufarsleg áhrif á fólk í miðbæ Akureyrar eða allra næsta nágrenni. Meira »

Átta gistu fangageymslur í borginni

07:26 Lögreglan á höfuðborgarsvæðinu hafði í nægu að snúast í gærkvöldi og nótt, en alls voru 109 mál skráð í dagbók lögreglu og þurfti að stinga átta manns í fangaklefa af ýmsum ástæðum. Þakplötur fuku einnig af fjölbýlishúsi í Breiðholti í gærkvöldi. Meira »

Draga þarf úr álögum á fjölmiðla

05:30 Hjálmar Jónsson, formaður Blaðamannafélags Íslands, kallar eftir endurskoðun á skattaumhverfi íslenskra fjölmiðla. Það taki enda mið af gömlu rekstrarumhverfi sem eigi ekki lengur við. Meira »

Fengu ekkert að vita

05:30 Þjóðleikhúsinu var ekki gert viðvart um að framkvæmdir á Hverfisgötu, sem valda lokun hennar og miklu raski, myndu dragast á langinn. Ari Matthíasson þjóðleikhússtjóri segir að síðast hafi honum verið tjáð að framkvæmdunum lyki um Menningarnótt. Meira »