„Eftir þennan þingvetur er það því nokkuð sérstakt að ekki hafi verið komið til móts við sanngjarnar og eðlilegar kröfur lífeyrisþega um bætta afkomu,“ sagði Anna Kolbrún Árnadóttir, þingflokksformaður Miðflokksins, í eldhúsdagsumræðum Alþingis í kvöld. Sagði hún það sæta furðu að enn væri verið að skerða krónu á móti krónu þrátt fyrir mikla samstöðu í þinginu um afnám skerðingarinnar.

Nokkra athygli vakti að hvergi var nefndur orkupakkinn í ræðu þingflokksformanns Miðflokksins, en flokkurinn hefur rætt það mál í 110 klukkustundir á undanförnum dögum.

Frétt af mbl.is

Leggja til frestun orkupakkans

„Einnig hefur það komið fram í dagsljósið að öryrkjar hafa þurft að sætta sig við ólögmætar búsetuskerðingar og það um langa hríð og mér sýnist ekki eiga að koma til móts við þá á næstu misserum vegna þess, þrátt fyrir augljóst lögbrot,“ sagði Anna Kolbrún og vísaði til skerðinga Tryggingastofnunar sem hafa verið úrskurðaðar ekki vera í samræmi við lög.

Áhersla á heilbrigðismálin

Í ræðu sinni lagði Anna Kolbrún sérstaka áherslu á heilbrigðismál og gagnrýndi þingflokksformaðurinn að stjórnvöldum hafi ekki tekist að stytta biðlista til liðskiptaaðgerða þrátt fyrir fyrirheit um slíkt.

„Það verður að segjast hér að ekki allir hafa efni á því að greiða fyrir slíka aðgerð úr eigin vasa og við skulum hafa það hugfast að allir íbúar landsins eiga jafnan rétt á að njóta þjónustu heilbrigðiskerfisins.“

Það skortir raunverulega stefnu og aðgerðaráætlun á mörgum sviðum innan velferðar- og heilbrigðissviðsins, að mati Önnu Kolbrúnar. „Ég nefni hér endurhæfingu, öldrunarþjónustu, lýðheilsu, forvarnir, stefnu um dvalar- og hjúkrunarheimili sem og geðheilbrigðismál.“

„Það er furðulegt að sjá, sérstaklega Sjálfstæðisflokkinn beygja sig fyrir stefnu Vinstri grænna í jafn mikilvægum málaflokki eins og velferðar- og heilbrigðismálin eru,“ sagði hún.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

Eldhúsdagur 2019

Fékk tvær ræður vegna smæðar

• Óverðtryggð lán valkostur fyrir alla
• Svæfi umræðu að næturlagi
• Gaman ef fögur orð yrðu að veruleika
• „Tilraunin með krónuna er fullreynd“

» Fleiri tengdar fréttir

• Blogga um frétt