Sjúkraflutningamaður sem var fyrstur á vettvang heyrði öskur innan úr húsinu að Kirkjuvegi þegar hann kom á vettvang þann 31.október í fyrra. Þá voru fyrir úti karlmaðurinn og konan sem eru ákærð í málinu að rífast, og á konan að hafa ítrekað hrópað á karlmanninn að hann væri morðingi.

Þetta kom fram við skýrslutöku í Héraðsdómi Suðurlands í morgun.

Ómögulegt að fara inn

Eins og áður segir heyrði sjúkraflutningamaður nokkur öskur í fólki inni í húsinu að Kirkjuvegi þegar hann kom á vettvang, og gat staðsett fólk inni í húsinu. Hins vegar var svo mikill eldur og reykur í húsinu að ómögulegt var að fara inn til að bjarga fólki.

Örskömmu síðar komu fyrstu lögreglumenn á vettvang og sagði annar þeirra fyrir dómi í morgun að hann hefði einnig heyrt öskur úr húsinu. Þá hafði hann svipaða sögu að segja um ákærðu fyrir utan húsið, að þau hefðu verið að rífast og að konan hefði ítrekað kennt karlmanninum um ástandið sem upp var komið. 

Tengdar fréttir

Eldur í einbýlishúsi á Selfossi 31. október

Dómur yfir Vigfúsi staðfestur

• Dómur þyngdur úr fimm í fjórtán ár
• Dómi yfir Vigfúsi áfrýjað til Landsréttar
• Vigfús áfram í varðhaldi
• „Beinn ásetningur“ ekki til staðar

» Fleiri tengdar fréttir

• Blogga um frétt