Frá árinu 2013 hafa framlög til öryrkja og málefnis fatlaðs fólks vaxið úr 45,7 miljörðum á ári upp í 69 milljarða á ári. Þetta kemur fram í Facebook-færslu Bjarna Benediktssonar fjármálaráðherra þar sem hann svarar gagnrýni Ágústs Ólafs Ágústssonar vegna breytingatilagna á fjármálaáætlun.

Bjarni segir að það skyldu þingmanna að ganga eins vel um sameiginlega sjóði og mögulegt er. Ágúst Ólafur, þingmaður Samfylkingarinnar og nefndarmaður í fjárlaganefnd, kallaði breytingartillögur ríkisstjórnarinnar „ótrúlegar“. 

Hann sagði meðal annars að horft væri til þess að lækka fjárframlög til öryrkja næstu fimm árin samanlagt um tæpa átta milljarða miðað við fjár­mála­áætl­un­ina sem lögð var fram fyrr á ár­inu.

Frétt af mbl.is

Segir breytingartillögurnar „ótrúlegar“

Bjarni sagði Ágúst Ólaf hafa haft uppi stór orð og ekki væri annað að skilja en hann væri enn að jafna sig eftir að hafa séð tillögurnar í nefnd þingsins. „Flokkur hans hefur helst lagt það til að auka skattlagningu um 25-35 milljarða og verja því meira og minna öllu í varanleg útgjöld,“ skrifar Bjarni.

„Á málefnasviðinu örorka og málefni fatlaðs fólks verður samkvæmt tillögum, sem kynntar hafa verið fjárlaganefnd og eru þar til meðferðar, áhersla lögð á að auka skilvirkni, bæta nýtingu fjármuna og huga að samspili við önnur stuðningskerfi. Engin áform eru hins vegar uppi um niðurskurð í bótakerfum,“ skrifar Bjarni og bætir við að útgjöld á málefnasviðinu vaxi á hverju ári næstu árin.

Að endingu segir Bjarni að samkvæmt áætlunum verði framlög til öryrkja og málefnis fatlaðs fólks 77 milljarðar árið 2024.

Tengdar fréttir

Fjármálaáætlun 2020-2024

4,5 milljarðar í hringrásarhagkerfi og fráveitumál

• „Mjög villandi málflutningur“
• Þróunaraðstoð langt undir markmiði
• Framhaldsskólar fá ekki skerðingu
• „Við viljum verja velferðina“

» Fleiri tengdar fréttir

• Blogga um frétt