Vill að undanbragðalaust verði upplýst um málið
Setja bókamerki
„Ég fæ upplýsingar um þetta fyrr eða síðar með einum eða öðrum hætti. Þannig gerist það í íslensku samfélagi. Hins vegar er það eðlilegt að það yrði undanbragðalaust upplýst um þetta mál,“ segir Kristinn Hrafnsson, ritstjóri Wikileaks, um skort á upplýsingum frá íslenskum stjórnvöldum um aðstoð þeirra við bandaríska lögreglumenn og saksóknara þar í landi vegna rannsóknar á Julian Assange, stofnanda Wikileaks.
Fram hefur komið að bandarísk stjórnvöld óskuðu eftir því við stjórnvöld hér á landi í lok febrúar að upplýsinga yrði aflað um afstöðu Sigurðar Inga Þórðarsonar til að sjá hvort hann væri tilbúinn að svara spurningum vegna sakamálarannsóknar bandarísku alríkislögreglunnar, FBI, á Julian Assange, stofnanda Wikileaks.
Sigurður Ingi, einnig þekktur sem Siggi hakkari, kom til skýrslutöku hér á landi í byrjun maí. Hann fór síðan vestur um haf til frekari skýrslutöku í lok maí.
Kristinn hefur óskað eftir skriflegum svörum frá íslenskum yfirvöldum um aðstoðina fyrir föstudaginn 14. júní næstkomandi. Svörin hafa látið á sér standa frá ráðherrum, að sögn Kristins. Á föstudaginn lýkur fresti sem bandarísk stjórnvöld hafa til að skila inn skjölum, og ef til vill bæta við ákærum gegn Assange. Núverandi ákærur fela í sér hámarksrefsingu upp á 175 ára fangelsi.
Kristinn furðar sig á að Guðlaugur Þór Þórðarson utanríkisráðherra hafi ekki tjáð sig um málið. Hann segir að þrátt fyrir að það hafi komið í ljós að meðal annars hafi verið óskað eftir vitnisburði frá Sigga hakkara liggur ekki fyrir hver aðdragandi hafi verið. Eins líka hvort og með hvaða hætti utanríkisráðherra kom að málum með diplómatískum leiðum.
Segjast hafa skotið niður langdræga sprengjuvél
„Búið að vera í dreifingu í einhvern tíma“
Ný staða uppi og óvissan meiri
Færa slökkviliðið til nútímans
Segjast ekki vera á kaldri slóð