Kossaflóð við búðarborðið í Norðurfirði

Árný Björk Björnsdóttir, verslunarstjóri í Verzlunarfjelagi Árneshrepps.
Árný Björk Björnsdóttir, verslunarstjóri í Verzlunarfjelagi Árneshrepps. mbl.is/Sunna

Kossar flögra um og fylla búðina í Árneshreppi á Ströndum. Við búðarborðið stendur verslunarstjórinn ungi, Árný Björk Björnsdóttir frá bænum Melum, og tekur á móti fyrstu kúnnunum þetta sumarið með geislandi brosi. Yfir hana rignir hamingjuóskum og hún svarar að bragði: „Já, sömuleiðis!“  

Það er vissulega tilefni til að brosa og fagna. Verslunin, sem nú hefur fengið nafnið Verzlunarfjelag Árneshrepps, var lokuð í allan vetur. Hún var svo opnuð á hvítasunnudag og verður opin alla daga vikunnar í sumar. Sveitungar og aðrir sem eiga viðdvöl í hreppnum um þessar mundir hafa margir hverjir þegar litið við, keypt hitt og þetta sem þá vanhagar um og svo gert það allra mikilvægasta: Spjallað um daginn og veginn.

Árný Björk afgreiðir Skúla Björn Ásgeirsson í búðinni.
Árný Björk afgreiðir Skúla Björn Ásgeirsson í búðinni. mbl.is/Sunna

Því það er ómissandi að spjalla í búðinni í Norðurfirði; hjarta sveitarinnar sem nú streymir á ný líf um. „Búðin hefur stóru hlutverki að gegna í sveitinni sem samkomustaður, nokkurs konar félagsmiðstöð, og þannig viljum við hafa það áfram,“ segir Árný.

Gegnt henni við höfnina er svo veitingastaðurinn Kaffi Norðurfjörður sem Sara Jónsdóttir og Lovísa Bryngeirsdóttir reka yfir sumartímann. Þaðan leggur út í sólskinið, sem nóg hefur verið af síðustu daga, ilminn af nýju bakkelsi og fiskisúpunni vinsælu. Við höfnina eru strandveiðibátarnir farnir að skríða í land einn af öðrum eftir blíðviðrisdag á gjöfulum miðunum. Franskir ferðamenn sitja við eitt borðið á kaffihúsinu og njóta útsýnisins yfir hafið og hin sérstæðu fjöll Strandanna, sem sum eru gróin upp á hæstu tinda, útsýni sem er óumdeilanlega á heimsmælikvarða og hefur lokkað þá til sín hálfa leið yfir hnöttinn.

Útsýnið frá Kaffi Norðurfirði er á heimsmælikvarða. Urðartindur skartar sínu ...
Útsýnið frá Kaffi Norðurfirði er á heimsmælikvarða. Urðartindur skartar sínu fegursta í veðurblíðunni. Ljósmynd/Thomas Elguezabal

„Sjáðu fiskibátana,“ segir ungur Bandaríkjamaður hraðmæltur við ferðafélaga sinn, augljóslega hrifinn, er þeir tylla sér við annað borð við gluggann. Þeir fylgjast gaumgæfilega með hafnarstjóranum, Elínu Öglu Briem, taka á móti feng dagsins frá sjómönnunum sem varð þegar upp var staðið 13 tonn. Elín vippar sér fimlega upp í lyftarann, klædd rauðum kjól, og færir til ker barmafull af fiski, ísar og skráir. Sjómennirnir strjúka svitann af enninu, grípa svo í kaffibolla eða ölkrús á kaffihúsinu. Sælir með sitt.

Það er því ekki að ástæðulausu sem svæðið er stundum kallað „miðbærinn“ eða „bryggjuhverfið“ segir Árný og hlær. Hún tekur svo við að afgreiða systurson sinn, Skúla Björn Ásgeirsson, sem er kominn til að versla fyrir ömmu sína, Bjarnheiði Fossdal á Melum. Og svo appelsínur fyrir sjálfan sig, hvorki meira né minna en 2,2 kíló af þeim.

Þó að Árný sé nýtekin við starfinu er hún flestum hnútum kunnug í búðinni. Þar vann hún sem unglingur í fjögur sumur. Nú er það hún sem stjórnar, sér um að panta vörur og afgreiða. Frá því að hún starfaði þar síðast hefur hún m.a. lokið háskólanámi í ferðamálafræðum og frönsku. Nú er hún að bæta við sig námi og er hálfnuð með meistaranám í markaðsfræðum og alþjóðaviðskiptum. 

Elín Agla Briem, hafnarstjóri í Norðurfirði, ísar fisk.
Elín Agla Briem, hafnarstjóri í Norðurfirði, ísar fisk. mbl.is/Sunna

Það var ekki fyrr en nú um miðjan maí sem Árný var ráðin verslunarstjóri og því þurfti að hafa hraðar hendur við undirbúning. Hún segir þó allt hafa gengið nokkuð vel enda margir sem voru boðnir og búnir að aðstoða svo hægt yrði að opna sem fyrst. „Við þurftum að koma húsnæðinu í stand, panta allar vörur, hér var enginn lager, og sitt hvað fleira.“

Töluvert af matvöru og hreinlætisvörum er þegar á boðstólum. En Árný ætlar ekki að láta staðar numið þar. Hún hyggst einnig bjóða upp á gas, bílavörur og handverk, svo dæmi séu tekin, helst úr heimabyggð. „Nú þarf ég að fara að spyrjast fyrir í sveitinni hvort einhverjir hafi setið við prjóna í vetur,“ segir hún.

138 hluthafar eru í Verzlunarfjelagi Árneshrepps sem stofnað var í vetur. Stefnt var að því að safna tveimur milljónum króna í hlutafé en þær urðu um fimm sem kom skemmtilega á óvart. Hluthafarnir og fleiri hafa verið boðnir og búnir að leggja hönd á plóg síðustu vikur. Fyrir það er Árný óendanlega þakklát. „Þetta er samvinnuverkefni. Öllum þykir vænt um að hér sé búð, þetta húsnæði hefur líka svo mikla sögu. Hingað komu til dæmis systur í gær sem sögðu mér frá því að önnur þeirra hefði fæðst á hæðinni hér fyrir ofan þegar pabbi hennar var kaupfélagsstjóri. Fleiri sögur í þessum dúr heyri ég. Búðin hefur auðvitað breyst í áranna rás en svo margir eiga góðar minningar héðan.“

Sjálf á Árný minningar þaðan frá því hún var barn. „Það var alltaf svo sérstakt að koma hingað á jólunum. Það var alveg föst hefð að fara í búðina og versla mikið.“

Vinsæll samkvæmisleikur í búðinni í Norðurfirði er að endurgera fræga ...
Vinsæll samkvæmisleikur í búðinni í Norðurfirði er að endurgera fræga ljósmynd af Ingólfi Guðjónssyni á Eyri, Axel Thorarensen á Gjögri og Kristni Jónssyni frá Dröngum sem tekin var fyrir margt löngu og hangir uppi á vegg í versluninni.

Svo er það bekkurinn. Hinn frægi bekkur. Hann hefur verið í búðinni í um hálfa öld, lengst af undir glugganum við dyrnar. Nú hefur Árný flutt hann innar í verslunina, á svæði þar sem hún hyggst koma upp notalegu horni með stólum, borðum og bókum. „Hva, hvar er bekkurinn?“ segir Eva Sigurbjörnsdóttir oddviti sem rekur inn nefið á leið á hreppsskrifstofuna sem er í sama húsi. Hún er ekki sú fyrsta sem hefur orð á þessu. Árný hlær. „Það taka allir eftir því að búið sé að færa bekkinn. Allir hafa skoðun á því. Við sjáum hvað setur,“ segir hún kankvís.

Hvar sem bekknum verður fundinn staður er enn hægt að leika vinsælan samkvæmisleik sem er að endurgera fræga ljósmynd af Ingólfi Guðjónssyni á Eyri, Axel Thorarensen á Gjögri og Kristni Jónssyni frá Dröngum sem tekin var fyrir margt löngu og hangir uppi á vegg í versluninni.

Jóhanna Engilráð Hrafnsdóttir tekur á sprett fyrir utan búðina í ...
Jóhanna Engilráð Hrafnsdóttir tekur á sprett fyrir utan búðina í Norðurfirði. Með í för er heimalningurinn Pési, hundurinn Kubbur og vinur hennar, Thomas Elguezabal. mbl.is/Sunna

Fyrir utan dyrnar á búðinni stendur Jóhanna Engilráð Hrafnsdóttir, tíu ára, og með henni er hundurinn Kubbur og heimalningurinn Pési, báðir ættaðir úr Steinstúni. Pési heillar alla sem á vegi hans verða og nú jarmar hann að Árnýju áður en hann stekkur af stað á eftir Jóhönnu sem þreytist ekki á að leika við hann.

Vörurnar eru flestar fluttar að sunnan en Árný segir að vilji sé til þess að stilla verði á nauðsynjavöru í hóf eftir því sem frekast er unnt. Af bökunarvörum selst t.d. alltaf vel, enda enn bakað af miklum móð á flestum bæjum.

Fleiri viðskiptavinir eru mættir. Fleiri kossum er smellt á Árnýju. Hún tekur við enn einum skammti af heillaóskum. Og svo er spjallað. „Sumir koma hingað bara til að spjalla,“ segir hún. „Fá fréttir af bæjunum, úr sauðburði til dæmis eða heyskapnum. Það er notalegt og skemmtilegt og ég tek því fagnandi.“  

Árný, Elín Agla og Bjarnheiður Fossdal spjalla við búðarborðið.
Árný, Elín Agla og Bjarnheiður Fossdal spjalla við búðarborðið. mbl.is/Sunna

Árný mun halda áfram námi sínu fyrir sunnan í haust. Stefnt er að því að halda búðinni opinni í vetur en þá mun einhver annar taka við verslunarstjórninni. „Um háveturinn verður afgreiðslutíminn skertur en það er algjörlega markmiðið að hér verði rekin búð allt árið um kring.“

En í sumar verður það hin glaðlega Árný sem heilsar gestum Verzlunarfjelags Árneshrepps. Hvort sem þeir eru komnir til að kaupa í matinn eða aðeins til að spjalla. „Það er ótrúlega gaman að vera komin hingað í Norðurfjörð aftur, ég var hér svo mikið sem barn og unglingur. Það er gott að vera komin í bryggjuhverfið, vera hluti af þessu lífi hér. Ég hlakka sannarlega til sumarsins. Mér finnst ótrúlega gott að vera komin heim.“

mbl.is

Innlent »

Allt öðruvísi en árið 2006

12:09 Bjarni Már Gylfason, upplýsingafulltrúi Rio Tinto á Íslandi, segir að allt annað hafi verið uppi á teningnum síðast þegar kerskála þrjú var lokað í álverinu í Straumsvík árið 2006 heldur en núna. Meira »

Vinnueftirlitið fylgist með framvindunni

10:35 Starfsmaður Vinnueftirlitsins sem hefur eftirlit með álverinu í Straumsvík hafði samband við álverið í gær eftir að svokallaður ljósbogi myndaðist þar í fyrradag. „Við erum að fá upplýsingar frá þeim um hver staðan er,“ segir Hanna Sigríður Gunnsteinsdóttir, forstjóri Vinnueftirlitsins. Meira »

Fyrst kvenna til að synda Eyjasund

10:24 Sigrún Þuríður Geirsdóttir varð í nótt fyrsta konan til að synda svokallað Eyjasund, þ.e. leiðina frá Vestmannaeyjum og yfir á Landeyjasand. Sigrún hóf sundið frá Eiðinu í Heimaey og tók land á Landeyjasandi fjórum klukkustundum og 31 mínútu síðar. Meira »

Ógnuðu húsráðendum með eggvopni

10:20 Tveir karlmenn voru handteknir af lögreglunni á Austurlandi í gær, grunaðir um að hafa farið inn í hús á ótilgreindum stað í umdæminu snemma í gærmorgun og ógnað húsráðendum með eggvopni. Einn húsráðenda hlaut smávægilega áverka, þó ekki eftir eggvopnið. Meira »

Rann 300 metra niður Hvannárgil

08:59 Það var göngumanninum, sem sat fastur á syllu í Hvannárgili fyrir neðan Goðahraun á Fimmvörðuhálsi, til happs að renna ofan í sprungu fulla af snjó. Það var til þess að hann staðnæmdist og ef ekki hefði verið fyrir snjóinn er ómögulegt að segja til um hversu langt hann hefði runnið niður gilið. Meira »

Hafa ásælst dýrmæta kirkjugripi

08:37 Fremur en að söfn ásælist kirkjugripi til að tryggja varðveislu þeirra ættu ráðamenn að beita sér fyrir því að kirkjan fái þá fjármuni sem henni ber. Þannig geti hún bætt eld- og þjófavarnir í kirkjum til að tryggja öryggi þeirra og dýrmætra kirkjugripa sem þar eiga heima. Meira »

Víða góð spretta en beðið eftir þurrki

07:57 „Háin sem er seinni vöxtur grassins sprettur vel en það var svolítill kyrkingur í grasinu í vor vegna þurrka. Það er heilmikil spretta á seinni slættinum og mér sýnist allt líta mjög vel út þar sem ég fer um,“ segir Jóna Þórunn Ragnarsdóttir, ráðunautur hjá Rannsóknarmiðstöð landbúnaðarins, og bóndi á Birnustöðum á Skeiðum á Suðurlandi. Meira »

Hæg norðaustlæg átt og hlýjast á Suðurlandi

07:12 Hæg norðaustlæg eða breytileg átt verður á landinu í dag og víðast hvar skýjað, en léttskýjað norðvestan til og lítils háttar væta á landinu austanverðu. Það léttir heldur til sunnanlands er líður á daginn, en þó má búast við skúrum síðdegis þar. Meira »

Var að reykja fisk yfir opnum eldi

06:35 Lögreglunni á höfuðborgarsvæðinu var tilkynnt í gærkvöldi um erlendan karlmann sem var með eld í nágrenni vinnubúða í Mosfellsbæ. Eldinn var maðurinn að nota til að elda og reykja fisk og segir í dagbók lögreglu að maðurinn hafi verið búinn að koma sér upp hinni „fínustu aðstöðu utan við vinnubúðirnar“. Meira »

Ekki tilefni til atkvæðagreiðslu

05:30 Ekki er tilefni til að efna til atkvæðagreiðslu meðal flokksmanna Sjálfstæðisflokks vegna þriðja orkupakkans miðað við inntak málsins og eðli þess, að mati Birgis Ármannssonar, þingflokksformanns Sjálfstæðisflokks. Meira »

Lokað vegna lagfæringa á Laugavegi

05:30 Sumarið er gjarnan tími framkvæmda utandyra í borgarlandinu og þá er góðviðri nýtt til þess að lagfæra ýmislegt og viðhalda öðru, til dæmis malbika götur og sinna gróðri. Meira »

Fjórfaldur íbúafjöldi heimsótti bæinn

05:30 Heldur fjölgaði í Grundarfirði í gær þegar þrjú skemmtiferðaskip heimsóttu bæinn. Aldrei áður hafa jafn mörg skemmtiferðaskip komið til Grundarfjarðar á einum og sama deginum. Meira »

Fer fækkandi í Reykjavík

05:30 Íslenskum ríkisborgurum sem búa í Reykjavíkurborg fækkaði um u.þ.b. þúsund á árunum 2016 til 2019, að því er fram kemur í tölum Hagstofu Íslands um mannfjölda á fyrsta ársfjórðungi þessara ára. Á sama tíma fjölgaði erlendum ríkisborgurum í borginni um u.þ.b. 7.600. Meira »

Landselir sóla sig á Löngufjörum

05:30 Fjöldi landsela lá á Löngufjörum á sunnanverðu Snæfellsnesi á laugardaginn var og sólaði sig í sumarblíðunni.   Meira »

Algengt að vottorð séu véfengd

05:30 Algengt er að lögreglustjórar véfengi starfshæfnivottorð starfsmanna sem snúa aftur vegna veikinda og fái trúnaðarlækna til að endurmeta starfshæfni þeirra. Meira »

Keyptu veiðijarðir við Búðardalsá

05:30 Svissneskir fjárfestar hafa á síðustu árum keypt þrjár jarðir við Búðardalsá á Skarðsströnd. Með kaupunum deila þeir jöfnum atkvæðisrétti í ánni með íslenskum landeigendum á svæðinu. Meira »

Manninum bjargað af syllunni

Í gær, 23:48 Göngumanninum, sem setið hafði fastur á syllu í Goðahrauni á Fimmvörðuhálsi frá klukkan 18 í dag, hefur verið bjargað úr sjálfheldunni. Meira »

Aðgerðir standa enn yfir á Fimmvörðuhálsi

Í gær, 23:05 Björgunaraðgerðir vegna manns sem situr fastur á syllu í Goðahrauni á Fimmvörðuhálsi standa enn yfir, en aðgerðirnar eru tæknilega erfiðar að sögn upplýsingafulltrúa Landsbjargar. Meira »

„Þetta skal aldrei verða“

Í gær, 22:42 „Ég vil sem minnst gefa upp, en þetta skal aldrei verða,“ segir Hrafn Jökulsson umhverfissinni um fyrirhugaða Hvalárvirkjun. Framkvæmdir vegna virkjunarinnar hófust í dag á Ófeigsfjarðarvegi og segir Hrafn von á aðgerðum í vikunni. Meira »
Infrarauðir Hitalampar fyrir allskyns verki 300w
Stórkostleg jákvæð áhrif á gikt, eykur virkni ýmissa ensíma sem bæta blóðrás og ...
INTENSIVE ICELANDIC, ENGLISH, NORWEGIAN, DANISH & SWEDISH f. foreigners - ÍSLENSKA f.útl - ENSKA - NORSKA, DANSKA, SÆNSKA
ÍSLENSKA, ENSKA, NORSKA, DANSKA, SÆNSKA I, II, III, IV, V, VI: Starting dates...
Patrol 2006
Til sölu Nissan Patrol 2006 ekinn 186.000. Einn eigandi, gott viðhald, skoðaður ...