Starfsmenn norska skemmtiferðaskipsins Spitsbergen skipulögðu ruslatínslu í Reykjafirði á Ströndum í gær eftir að hafa dvalið á Ísafirði einn dag. Samkvæmt Facebook-síðu skipsins fylltu skipverjar og gestir marga poka af plastrusli.
Fram kemur að bæði hafi verið um að ræða stórt og smátt plastrusl sem oft á tíðum reki í fjörðinn frá úthafinu.
„Gestir hjálpuðu til með bros á vör við að plokka litríkar plastumbúðirnar. Sumar þeirra voru frá árinu 2013,“ segir í Facebook-færslunni.