Keppni í drift fór fram í dag á Bíladögum á Akureyri en þessi árlega bílahátíð stendur yfir um helgina.
Í meðfylgjandi myndskeiði, sem fréttaritari mbl.is á Akureyri tók, má sjá Fannar Þór Þórhallsson á Porche-bíl sínum aka eftir brautinni með miklum tilþrifum en hún er staðsett á aksturssvæði Bílaklúbbs Akureyrar.
Drift er tiltölulega ung akstursíþrótt og er talin eiga rætur sínar að rekja til Japans. Er ekið með nokkuð óhefðbundnum hætti, á miklum hraða og þannig að bíllinn yfirstýrir og skrikar brautina á enda.