Talsvert magn af fíkniefnum fannst við húsleit sem lögreglan á Suðurnesjum fór í að fenginni heimild í fyrrakvöld. Um var að ræða kannabisefni og kókaín sem fannst á mörgum stöðum í húsnæðinu. Tveir húsráðendur voru handteknir vegna málsins og vistaðir í fangaklefum þar til skýrslutökur höfðu farið fram. Þetta kemur fram í tilkynningu frá lögreglunni á Suðurnesjum.