Réttlætir ekki að svíkja loforð
Setja bókamerki
Alþýðusamband Íslands telur brest í forsendum fjármálaáætlunar fyrir árin 2020 til 2024 ekki réttlæta að stjórnvöld hverfi frá loforðum sem gefin voru við gerð kjarasamninga og sakar ASÍ stjórnvöld um að nota framfærsluöryggi öryrkja til þess að jafna sveiflur í ríkisrekstrinum, að því er fram kemur í tilkynningu til fjölmiðla.
ASÍ gagnrýnir einnig að breytingar á fjármálaáætlun hafi verið til umfjöllunar hjá fjárlaganefnd Alþingis frá byrjun júní án þess að breytingarnar hafa verið kynntar opinberlega. „Fréttir hafa þó borist af því að til standi að skerða fjárframlög m.a. til viðkvæmra málaflokka á borð við örorkulífeyri, sjúkrahúsþjónustu, lyfja og þróunarsamvinnu.“
„Verkalýðshreyfingin hefur nýlokið gerð kjarasamninga í trausti þess að stjórnvöld standi við gefin fyrirheit í skatta- og velferðarmálum. Veikleikar á fjármálastefnu stjórnvalda hafa legið ljósir fyrir frá upphafi kjörtímabilsins,“ segir í tilkynningunni.
Á þessum grundvelli telur ASÍ ekki hægt að réttlæta „að kvikað verði frá nýgefnum loforðum eða grundvallarstoðir velferðarkerfisins og framfærsluöryggi öryrkja nýtt til að jafna sveiflur í ríkisrekstrinum.“
Segir nýtt frumvarp gefa eldisfyrirtækjum auðlindir
Baldur: „Ég ætla að svara þessu kalli“
Katrín: Jóhönnustjórnin talaði máli Íslands
Bifreið ekið á skrifstofu Útlendingastofnunar
Fiskikóngurinn: „Mér fannst sárt að heyra það“
Mest spennandi kosningar í áratugi
Áköf mótmæli í bandarískum háskólum
„Þetta er pínu óvanaleg staða“