Grillin sem fimm áskrifendur Morgunblaðsins fengu í gær eftir útdrátt í áskrifendahappdrætti Morgunblaðsins komu sér vel.
Hjördís Ýr Johnson, kynningarstjóri Árvakurs, sem sá um útdráttinn í beinni útsendingu á útvarpsstöðinni K 100, segir að svo hafi viljað til að gömlu grillin hafi verið komin á tíma eða jafnvel ónýt og fólkið farið að huga að endurnýjun. Hjördís segir að Morgunblaðið muni halda áfram að gleðja áskrifendur með áskrifendahappdrætti síðar á árinu.
Nöfn allra áskrifenda Morgunblaðsins, eldri og nýrra, voru sjálfkrafa í pottinum. Þetta var þriðji og síðasti útdráttur í þessu áskrifendahappdrætti og hafa 15 áskrifendur fengið úrvals Landmann-grill að verðmæti tæplega 100 þúsund krónur frá Grillbúðinni. Vinningshafar að þessu sinni voru Hannes R. Óskarsson á Akureyri, Anna R. Ingvarsdóttir í Kópavogi, Sigríður Ísleifsdóttir í Kópavogi, Ingibjörg Grétarsdóttir í Reykjavík og Hreinn Hafliðason í Reykjavík.