Lögreglan með öryggisvakt í Stjórnarráðinu

Embætti ríkislögreglustjóra hefur auglýst þrjár stöður varðstjóra í nýrri deild sem mun annast öryggisgæslu en auglýsingin birtist í Lögbirtingarblaðinu á þriðjudag. Ríkislögreglustjóri mun taka við öryggisvakt í húsnæði æðstu stjórnar ríkisins.

Thelma Cl. Þórðardóttir, yfirlögfræðingur hjá ríkislögreglustjóra, segir í samtali við RÚV að ríkislögreglustjóri muni taka yfir öryggisvakt sem hafi verið í forsætisráðuneytinu allan sólarhringinn um árabil.

Ráðið verður í stöðurnar þrjár frá 1. september. Hingað til hafa starfsmenn stofnananna sinnt vaktinni til móts við starfsmenn ríkislögreglustjóra.

Með breytingunni er ætlunin að efla öryggismálin og stytta viðbragðstíma.

• Blogga um frétt