Ökumaður fólksbifreiðar var fluttur á slysadeild í kvöld eftir útafakstur við Meðalfellsvatn í Kjós. Hafnaði bifreiðin út í skurði og þurfti að beita klippum til að ná ökumanninum úr bílnum.
Var viðkomandi einn í bifreiðinni en samkvæmt upplýsingum frá Slökkviliði höfuðborgarsvæðisins varð töluvert tjón á bifreiðinni.
Ekki er vitað um ástand ökumannsins sem stendur.