Fyrsta sumarlokunin í 16 ár

Fjölskylduhjálp Íslands þarf að loka í sumar vegna fjárskorts og er það í fyrsta skipti í þau 16 ár sem samtökin hafa starfað sem engin aðstoð verður yfir sumarið.

Ásgerður Jóna Flosadóttir, formaður Fjölskylduhjálpar, segist bera kvíðboga fyrir hönd skjólstæðinga sinna í sumar.

Talsvert er um að efnaminni foreldrar leiti til hjálparstofnana til að fá aðstoð til að borga sumarnámskeið og íþróttaferðir, að sögn Vilborgar Oddsdóttur hjá Hjálparstarfi kirkjunnar, að því er fram  kemur í Morgunblaðinu í dag.