Aðeins fimm dómar hafa fyrnst í ár

Aðeins fimm óskilorðsbundnir dómar hafa fyrnst það sem af er ári en á síðustu árum hafa um 30 dómar fyrnst árlega.

„Ég er afskaplega ánægður með þetta en í mínum huga er það ein af grunnstoðum réttarríkisins að refsingar séu fullnustuðar,“ segir Páll Winkel fangelsismálastjóri.

Ástæðan fyrir þessum árangri er að fleiri fangelsisrými eru nú í landinu. Þá er búið að breyta lögum þannig að hægt er að taka út refsingu með samfélagsþjónustu í meira mæli, að því er fram kemur í Morgunblaðinu í dag.