Þórdís Kolbrún Reykfjörð Gylfadóttir ráðherra hæðist að Hjörleifi Hallgrímssyni en hann gagnrýnir framgöngu Sjálfstæðisflokksins í málefnum er varða þriðja orkupakkann í aðsendri grein í Morgunblaðinu í gær. „Fagri ferðamálaráðherrann með mörgu nöfnin“ er það sem Hjörleifur, fyrrverandi ritstjóri vikudags á Akureyri, kallar Þórdísi.
„Geggjað framúrstefnulegt trix að þykjast ekki - eða leggja ekki á sig að muna nafn á konu,“ skrifar Þórdís Kolbrún á Twitter-síðu sína í morgun.
Geggjað framúrstefnulegt trix að þykjast ekki - eða leggja ekki á sig að muna nafn á konu. Álag á þeim. Þórdís Kolbrún eru 13 stafir. Guðlaugur Þór eru 12. Ég legg ekki meira á ykkur krakkar. pic.twitter.com/1oaLKG1KwF
— Þórdís Kolbrún Reykfjörð Gylfadóttir (@thordiskolbrun) June 28, 2019
„Álag á þeim. Þórdís Kolbrún eru 13 stafir. Guðlaugur Þór eru 12. Ég legg ekki meira á ykkur krakkar,“ bætir Þórdís við.
Hjörleifur sakar ráðherra Sjálfstæðisflokksins um að „bulla út í eitt“ á fundum um að orkupakkinn skipti engu máli.