Jón Baldvin stefnir dóttur sinni
Setja bókamerki
Jón Baldvin Hannibalsson, fyrrverandi utanríkisráðherra og sendiherra, hefur stefnt dóttur sinni Aldísi Schram fyrir meiðyrði. Auk þess stefnir Jón Baldvin Sigmari Guðmundssyni fréttamanni og RÚV.
Greint er frá stefnunni á Stundinni.
Stefnan er tilkomin vegna viðtals Aldísar í Morgunútvarpi Rásar 2 17. janúar. Fram kemur á vef Stundarinnar að Aldísi hafi borist stefnan í byrjun vikunnar þar sem tiltekin séu á annan tug ummæla Aldísar og fern ummæli Sigmars.
Í viðtalinu sagði Aldís meðal annars að Jón Baldvin hefði sem sendiherra Íslands í Bandaríkjunum misnotað stöðu sína í persónulegum tilgangi.
Alls hafa sjö konur stigið fram undir nafni og sakað Jón Baldvin um kynferðislega áreitni. Nýjasta tilfellið varðar Carmen Jóhannsdóttur sem hefur lagt fram fram kæru á hendur Jóni Baldvin Hannibalssyni vegna kynferðislegrar áreitni sem hún kveður hann hafa beitt hana á heimili hans á Spáni 16. júní 2018.
Æskuvinur Íslendings myrtur í Noregi
Moses Hightower og Prins Póló gefa út eyjalag
Handtekin eftir að tvö börn fundust látin
Fara ekki lengur fram á einangrun yfir Davíð
Hönnun sem bætir líf manna
Verðbólgan komin niður í 6%