Verðlagseftirlit Alþýðusambandsins hefur tekið saman álagningu fasteignagjalda og útsvars hjá 15 stærstu sveitarfélögum landsins. Er það niðurstaðan að fasteignagjöld í krónum hækki í flestum tilvikum milli ára þrátt fyrir að álagningarhlutfall lækki.

Skýrist það af því að fasteignagjöldin eru hlutfall af fasteignamati eignar og það hefur í flestum tilfellum hækkað milli ára.

Mestar hækkanir á Ísafirði

Álagningarhlutfall fasteignaskatta lækkar um fjórðung í Reykjanesbæ og einn sjötta hluta í Árborg. Í fjölda sveitarfélaga, þar á meðal Reykjavík, Seltjarnarnesi og Ísafjarðarbæ stendur hlutfallið í stað.

Vegna mikillar hækkunar fasteignamats fyrir vestan eykst innheimtur fasteignaskattur þó mest á Ísafirði eða um 17,2% í fjölbýli og 18,8% í sérbýli. Í örfáum tilfellum vegur lækkun álagningarhlutfalls þyngra en hækkun fasteignamats, og verður það til þess að fasteignaskattar lækka í krónum talið. Á það við um Njarðvík (2,8% lækkun), fjölbýli í Mosfellsbæ (1,3% lækkun), Keflavík (1,3% lækkun) og Vestmannaeyjar (0,4% lækkun).

Misháir fasteignaskattar

Skattprósenta fasteignaskatts á almenning er eftir sem áður lægst í Reykjavík og á Seltjarnarnesi, 0,18%, en þar er fasteignaverð enda hæst. Hæst er álagningarprósentan hins vegar á Ísafirði.

Tengdar fréttir

Húsnæðismarkaðurinn

Gerir ráð fyrir 150 samningum í næstu viku

• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“
• Hafa samþykkt kaup fyrir um 9,2 milljarða

» Fleiri tengdar fréttir

• Blogga um frétt