Rannsókn lögreglu á bruna á stúdentagörðunum við Eggertsgötu 9. júlí sl. leiddi í ljós að eldur kviknaði út frá logandi sígarettu. Húsráðandi sofnaði með sígarettu í hönd sem leiddi til þess að það kviknaði í sængurfötum og eldurinn barst fljótt út um íbúðina. Húsráðandi vaknaði sem betur fer og komst út úr íbúðinni í tíma.
Rannsókn lögreglu er þar með lokið og niðurstaðan óhappatilvik. Þetta kemur fram í tilkynningu lögreglu.
Konan var vistuð í fangageymslu lögreglu eftir að eldur kom upp í íbúð hennar því hún var í annarlegu ástandi og lét öllum illum látum. Henni var sleppt úr haldi lögreglu eftir yfirheyrslu.