Áfram skýjað og rigning með köflum

Á morgun léttir til en áfram dálítil rigning austan til …
Á morgun léttir til en áfram dálítil rigning austan til á landinu og síðdegisskúrir í flestum landshlutum. mbl.is/Eggert Jóhannesson

Að mestu verður skýjað í dag og rigning eða súld með köflum og austan 8  til 13 m/s. Styttir upp um landið suðvestanvert með morgninum en talsverðar skúrir verða þar síðdegis, samkvæmt veðurspá Veðurstofu Íslands.

Á morgun léttir til en áfram dálítil rigning austan til á landinu og síðdegisskúrir í flestum landshlutum. Hiti verður yfirleitt á bilinu 12 til 20 stig, hlýjast norðaustanlands.

Veðurhorfur á landinu næstu daga

Á fimmtudag og föstudag:
Norðaustan 5-13 m/s og súld eða rigning á köflum um austanvert landið, en lengst af léttskýjað vestan til. Hiti 10 til 18 stig, hlýjast á Suðvesturlandi. 

Á laugardag:
Austan 5-10 og skúrir, en bjart með köflum norðan til á landinu. Hiti 10 til 18 stig, hlýjast norðvestanlands. 

Á sunnudag og mánudag:
Austlæg átt, skýjað og stöku skúrir, en þurrt og bjart um norðvestanvert landið. Hiti 10 til 18 stig, hlýjast vestanlands.

mbl.is