Engin ástæða er að ætla annað en að staða oflækninga sé svipuð á Íslandi og í Noregi, segir Sigríður Dóra Magnúsdóttir, framkvæmdastjóri lækninga hjá Heilsugæslu höfuðborgarsvæðisins, í nýjasta tölublaði Læknablaðsins.
Sigríður telur að heimilislæknar grípi oft til víðtækari aðgerða en þeir telji nauðsynlegt vegna pressu af ýmsum toga, að því er fram kemur í Morgunblaðinu í dag.
Nefnir hún m.a. umfjöllun í samfélaginu, áhyggjur og tímaskort lækna sem hafi ekki nægan tíma til þess að bíða og sjá þróunina eða meðhöndla einstaklinga skynsamlega. Sigríður segir að nauðsynlegt sé að bjóða upp á önnur úrræði sem minnki inngrip og lyfjanotkun.