Veist að þremur múslimakonum

Kvartað var yfir áreiti og ógnun frá betlara í Árbænum …
Kvartað var yfir áreiti og ógnun frá betlara í Árbænum á sjötta tímanum í gærkvöldi. mbl.is/Eggert Jóhannesson

Veist var að þremur múslimskum konum utandyra í Breiðholti á sjöunda tímanum í gærkvöldi. Málið er í rannsókn hjá lögreglu og er hugsanlega um hatursglæp að ræða. 

Þetta kemur fram í dagbók lögreglu. Kvartað var yfir áreiti og ógnun frá betlara í Árbænum á sjötta tímanum í gærkvöldi, en sá brást illa við þegar hann var hunsaður. Honum var vísað burt af lögreglu.

Þá óskaði starfsfólk matvöruverslunar í Háaleitis- og Bústaðahverfi aðstoðar á sjöunda tímanum í gær vegna hóps fólks, líklega mótmælenda, sem voru með læti og gáfu frá sér ýmis dýrahljóð. Ekki kom til afskipta lögreglu þar sem fólkið yfirgaf verslunina fljótlega.

mbl.is