77% virkir á vinnumarkaði við útskrift

Um 2.600 einstaklingar eru nú í starfsendurhæfingarþjónustu á vegum VIRK …
Um 2.600 einstaklingar eru nú í starfsendurhæfingarþjónustu á vegum VIRK um allt land. Getty Images/iStockphoto

Um 77% þeirra 9.500 einstaklinga sem útskrifast hafa frá VIRK eru virkir á vinnumarkaði við útskrift; þ.e. í vinnu, í atvinnuleit eða lánshæfu námi. Þetta kemur fram í frétt sem birt er á vef starfsendurhæfingarsjóðsins.

Rúmlega 16.000 manns hafa, frá stofnun sjóðsins árið 2008, hafið starfsendurhæfingu á vegum VIRK og eru nú um 2.600 einstaklingar í starfsendurhæfingarþjónustu á vegum VIRK um allt land. 

17,2 milljarðar króna ávinningur var af starfsemi VIRK árið 2018 samkvæmt ráðgjafafyrirtækinu Talnakönnun sem hefur metið ávinning af starfseminni undanfarin sex ár, en þetta sama ár nam rekstrarkostnaður VIRK 3,1 milljörðum króna.

mbl.is