„Dusta rykið af“ viðbragðsáætlun um ebólu

„Það er engin hætta fyrir lönd eins og okkar. Þetta breytir í raun engu af því sem við höfum verið að gera,“ segir Þórólfur Guðnason sóttvarnarlæknir um ákvörðun Alþjóðaheilbrigðismálastofnun (WHO) að lýsa ebólufaraldrinum sem hefur geisað í Austur-Kongó sem bráðri ógn við lýðheilsuna sem varðar þjóðir heims. 

Frétt af mbl.is

WHO lýsir yfir neyðarástandi

Nú er unnið að því innan embættisins að „dusta rykið af“ viðbragðsáætlun og leiðbeiningum um ebólu sem voru búnar til á árunum 2014 og 2015 fyrir Ísland. 

Þórólfur segir yfirlýsingu WHO til þess gerða að gripið verði til harðari og markvissari aðgerða bæði í Kongó og eins í nálægum löndum. „Henni er líka ætlað að vekja til umhugsunar um að lönd hugi að sínum viðbúnaði,“ segir Þórólfur. 

Tilkynningin var send út eftir að ebólusmit barst til milljónaborgarinnar Goma á landamærum Austur-Kongó við Rúanda sem er talið auka mjög hættu á að sjúkdómurinn breiðist út bæði innan Austur-Kongó en einnig milli landa. 

Ekki er talin mikil hætta steðja að Íslandi vegna ebólufaraldursins í Kongó. mbl.is/Eggert Jóhannesson

• Blogga um frétt