Umferðaróhapp átti sér stað á Reykjanesbraut eftir hádegi í dag þegar fólksbíll fór út af veginum í námunda við afleggjarann inn á Grindavíkurveg.
Hjá lögreglunni á Suðurnesjum fengust þær upplýsingar að ökumaður hefði misst stjórn á bílnum. Fimm voru í bílnum þegar óhappið átti sér stað og komust þeir allir óslasaðir frá óhappinu, en voru allir sendir á sjúkrahús til skoðunar.