Líkamsárás kærð í Eyjum

mbl.is/Eggert

Ein líkamsárás var kærð til lögreglunnar í Vestmannaeyjum eftir skemmtanahald helgarinnar. Lögreglan greinir frá þessu á Facebook-síðu sinni og segir árásarmanninn sem var eitthvað ósáttur við annan mann hafa slegið þann síðarnefnda í andlitið þannig að tönn losnaði.

Var árásarmaðurinn handtekinn og vistaður í fangageymslu. Skýrsla var svo tekin af honum eftir að víman rann af honum og er málið nú í rannsókn.

Þá var einn ökumaður stöðvaður vegna hraðaksturs um helgina, en hann mældist á 70 km hraða á Hamarsvegi en þar er hámarkshraði 50 km/klst. Þrír ökumenn fengu síðan sekt fyrir að leggja bílum sínum ólöglega, einn fyrir að sleppa því að nota bílbeltið  og tveir fyrir að aka bíl próflausir. 

mbl.is