Óvenjumikið rennsli í Jökulsá á Fjöllum
Setja bókamerki
Óvenjumikið rennsli er í Jökulsá á Fjöllum vegna hlýinda á norðanverðu hálendinu undanfarna daga. Vegna vatnavaxta þar hefur veginum um Gæsavatnaleið verið lokað.
Í skýringu á vef Veðurstofunnar, þar sem greint er frá málinu, segir að hlutfallstala rennslis sé 93% og um sé að ræða mjög mikið rennsli.
Fylgjast grannt með stöðunni
Grunur leikur á að jarðhitavatnsleki sé að berast í Múlakvísl en miðað við árstíma er rafleiðni há og vatnsmagn meira en venja er. Ekki er þó talið að hlaup sé hafið enn.
Vaktmenn Veðurstofunnar fylgjast grannt með gangi mála.
Mikið magn vatns hefur safnast saman í sigkötlum Mýrdalsjökuls undanfarnar vikur og mælist rafleiðni í Múlakvísl há.
Búist er við stærsta hlaupi í Múlakvísl í átta ár, eða síðan 2011 þegar jökulhlaupið tók með sér brúna yfir Múlakvísl og þjóðvegurinn rofnaði.
Hæstiréttur staðfestir vanhæfi alls Landsréttar
Segjast ekki vera á kaldri slóð
Myndskeið: Segjast hafa skotið niður sprengjuflugvél
Gerir ráð fyrir 150 samningum í næstu viku
Unnu að fullum heillindum að kaupum á TM
Sárt að horfa upp á illa meðferð fjármuna