Nítján forsetar Bandaríkjanna saman komnir á Seltjarnarnesi

Donald Trump hefur notið talsverðra vinsælda hjá Urban Gunnarsson á ...
Donald Trump hefur notið talsverðra vinsælda hjá Urban Gunnarsson á síðustu árum. Árni Sæberg

„Þetta er nú löngu komið úr böndunum en mér telst til að ég eigi nú 94 karla,“ segir dr. Gunnlaugur A. Jónsson. Safn hans barst í tal í ítarlegu viðtali við útskurðarmeistarann Urban Gunnarsson í sunnudagsútgáfu Morgunblaðsins, sem í meira en hálfa öld hefur sérhæft sig í því að skera í tré þekkta karaktera úr mannkynssögunni. Urban er Svíi og tók við verkstæði að Drottningargötu 77 af föður sínum sem allt frá þriðja áratug síðustu aldar gerði garðinn frægan í Svíþjóð fyrir sömu iðju.

„Þetta hófst í raun 2009 þegar við hjónin vorum stödd í Stokkhólmi. Þá hafði samband við okkur vinkona okkar Sigrún Aspelund. Hún bað mig þá um að koma við á verkstæði manns að nafni Urban Gunnarsson og sækja þar hlut fyrir mann hennar, Hrafnkel Helgason. Mér fannst nú nokkuð skrítið þegar upp úr dúrnum kom að þar var á ferðinni stytta af Adolf Hitler en Hrafnkell safnaði þá þessum körlum frá Urban. Hitler var hins vegar ekki til hjá karli og því fórum við heim með Castró fyrir Hrafnkel í þetta skiptið.“

Byrjaði allt með Hitler

Gunnlaugur fór á Drottningargötuna og sótti illmennið fyrir vinafólk sitt. En þegar upp á hótel var komið að lokinni heimsókninni fékk hann bakþanka og fannst hann þurfa að vitja verkstæðisins að nýju.

„Ég fór því daginn eftir á verkstæðið og ræddi við Urban. Spurði hvort ég fengi ekki afslátt ef ég keypti þrjá karla. Hann var ekki tilbúinn í neitt slíkt. Ég sagði honum þá að ég myndi kaupa fimm en þá yrði ég að fá afslátt. Hann féllst á það og síðan þá hefur þessi söfnun staðið sleitulaust,“ segir Gunnlaugur.

Benito Mussolini, Adolf Hitler og Jósef Stalín voru um tíma ...
Benito Mussolini, Adolf Hitler og Jósef Stalín voru um tíma samherjar í upphafi síðari heimsstyrjaldarinnar. Árni Sæberg

Þannig hefur körlunum fjölgað jafnt og þétt í áranna rás og nú rúmum áratug frá því að Gunnlaugur rakst inn til Urbans eru þeir að nálgast hundraðið. Raunar sagði Urban í viðtalinu í sunnudagsútgáfu Morgunblaðsins að enginn ætti jafn stórt safn og Gunnlaugur og undanskildi hann þá ekki stórtæka safnara í Svíþjóð.

„Mér telst til að við hjónin höfum heimsótt Urban að jafnaði tvisvar á ári og ég hef verið að taka 3-5 karla í hverri ferð. Auðvitað hef ég einnig sótt karla fyrir aðra safnara hér heima og stundum hef ég sent fólk fyrir mína hönd til Urbans. En svo tölum við saman reglulega, ekki síst þegar ég hef fengið hann til þess að skera út einhverja karaktera sem hann hefur ekki áður gert. Stundum liggja mörg klukkutíma löng samtöl að baki hverjum karli en það skilar sér líka oftast í mjög vel heppnuðum eintökum.“

Prófessor Gunnlaugur með safninu góða.
Prófessor Gunnlaugur með safninu góða. Árni Sæberg

Churchill kom strax í safnið

Í fyrstu atrennu keypti Gunnlaugur þekktar útgáfur úr höfundarverki Urbans. Þar á meðal má nefna Winston Churchill, sem í áratugi hefur verið vinsælasta viðfangsefni hans en einnig Mahatma Gandhi. 

„Urban hefur sérhæft sig að stórum hluta í karakterum af stjórnmálasviðinu, bæði í Svíþjóð og á heimsvísu. Ég hef hins vegar hvatt hann til að leita fanga víðar og það hefur komið mjög vel út. Þar hafa kannski ekki síst orðið fyrir valinu trúarleiðtogar af ýmsum toga en það skýrist nú m.a. af mínum bakgrunni,“ segir Gunnlaugur en hefur í áratugi gegnt embætti prófessors í gamlatestamentisfræðum við guðfræðideild Háskóla Íslands.

„En safnið er víðtækt og þar má finna fjölbreyttan hóp fólks, m.a. Sigmund Freud, hinn þekkta geðlækni og taugafræðing og einnig tónskáldið Antonín Dvořák. Svo hef ég fengið hann til að skera út nokkra Íslendinga og nú síðast bættust í safnið Haraldur Níelsson, sem fyrstur gegndi prófessorsstöðu í gamlatestamentisfræðum við Háskóla Íslands og svo Ólafur Thors, fyrrum forsætisráðherra.“

Antonín Dvořák, Winston Churchill, Halldór Kiljan Laxness, Thomas Jefferson, M ...
Antonín Dvořák, Winston Churchill, Halldór Kiljan Laxness, Thomas Jefferson, M Mahatma Gandhi, Vigdís Finnbogadóttir og Indira Gandhi í hópi fleiri þekktra karla og kvenna. Árni Sæberg

Ýmsum aðferðum beitt

Gunnlaugur hefur beitt ýmsum aðferðum til að þrýsta á Urban í gegnum tíðina þegar honum hefur þótt hann taka fálega í að skera út ákveðnar persónur úr sögunni. Það átti m.a. við um Ben Gurion, fyrsta forsætisráðherra Ísraels sem Gunnlaugur hafði mikinn áhuga á að eignast vegna mikils áhuga á Ísrael. Þannig fékk hann ýmsa vini sína og kunningja til að líta við á verkstæði Urbans þegar þeir áttu leið um Stokkhólm og þá í þeim eina tilgangi að spyrja hvort hann væri ekki með Ben Gurion til sölu. Gerðist það t.d. einu sinni þegar vinahjón Gunnlaugs voru stödd í borginni að þau fóru í sitthvoru lagi á verkstæðið og báru upp sömu spurninguna.

„Hann sá í gegnum þetta karlinn. Það gat ekki verið eðlilegt að það væru sífellt að koma hingað Íslendingar að spyrja um þennan tiltekna mann. Þau hlutu öll að vera á mínum vegum sagði Urban og hafði gaman af. Svo fékk ég Ben Gurion í safnið og nú þegar Ólafur Thors er kominn í það líka eru þeir sameinaðir á ný. Þeir hittust hér í Reykjavík árið 1962.“

Spurður nánar út í safnið segir Gunnlaugur að í því sé að finna 18 fyrrverandi Bandaríkjaforseta og einnig þann sem nú gegnir embættinu. Því séu jafn margir Bandaríkjamenn í safninu og Svíar en Gunnlaugur hefur taugar til stjórnmálasögu Svíþjóðar þar sem hann bjó þar í tengslum við doktorsnám sitt í mörg ár.

„Svo eru þarna níu Íslendingar, sex Ísraelar, fimm Rússar og fjórir Bretar. Þjóðverjarnir eru jafnmargir Bretunum en í báðum þessum hópum gæti þó farið að fjölga.“

Dr. Gunnlaugur hefur m.a. fengið Urban til þess að skera ...
Dr. Gunnlaugur hefur m.a. fengið Urban til þess að skera út hinn þekkta geðlækni og taugafræðing Sigmund Freud. Árni Sæberg

Væri til í að fá Boris í safnið

Þetta segir Gunnlaugur í ljósi þess að hann hefur áhuga á því að fá nýjan forsætisráðherra Breta í safnið, Boris Johnson. Þá hefur hann einnig borið upp við Urban hvort hægt sé að skera út Angelu Merkel, kanslara Þýskalands.

„Það er helsti veikleiki safnsins að þar eru alltof fáar konur eða aðeins sex. Ég vil fjölga þeim en Urban hefur ekki reynst duglegur við að skera út konur. Fyrir því gefur hann ýmsar ástæður. En við Guðrún eiginkona mín vorum í Stokkhólmi um daginn og þá held ég að Guðrún hafi talað hann endanlega inn á að skera út Merkel.“

Og Gunnlaugur viðurkennir að Guðrún sé fyrir löngu orðin nokkuð þreytt á stórtækum „karlakaupum“ eiginmannsins. Þegar hann stillti sér upp fyrir ljósmyndara Morgunblaðsins nú um helgina horfði hún í forundran yfir safnið og spurði hvort ekki væri komið nóg.

„En hún sá reyndar einn kost við þessa uppstillingu. Hún sagði að nú gæfist mér kærkomið tækifæri til að þurrka af hillunum þar sem ég geymi þá,“ segir Gunnlaugur sposkur.

Í safni Gunnlaugs eru m.a. eftirmyndir 19 Bandaríkjaforseta. Í þeim ...
Í safni Gunnlaugs eru m.a. eftirmyndir 19 Bandaríkjaforseta. Í þeim hópi er Donald Trump en einnig Thomas Jefferson og Abraham Lincoln. Árni Sæberg

Hvergi nærri hættur

Hann er enda hvergi nærri hættur og þeir Urban ræðast við í hverri viku.

„Ég er með marga í pöntun hjá honum, m.a. konur. Auðvitað Merkel en svo hefur hann lofað mér Elísabetu Englandsdrottingu. Ég hélt hann yrði með hana tilbúna þegar ég fór síðast út en hann stóð nú ekki við það karlinn. En þetta kemur með þolinmæðinni. Svo langar mig mikið í Jackie Kennedy enda hefur maður hennar, John, verið lengi í safninu. Svo hef ég verið með sr. Friðrik Friðriksson í sigtinu og einnig Bjarna Benediktsson, fyrrum formann Sjálfstæðisflokksins og forsætisráðherra og ég held hann gæti líka náð Pavarotti einstaklega vel. Ég hætti ekki heldur fyrr en ég fæ Martin Luther King í safnið.“

Og miðað við þessa upptalningu, sem vísast gæti verið mun lengri og ítarlegri er fátt sem bendir til annars en að Gunnlaugur muni innan skamms rjúfa „hundrað karla múrinn“. Takist Urban að skera Merkel bærilega út eru meiri líkur en ella á að það takist. Það myndi alla vega draga úr þrýstingi eiginkonunnar um að dregið verði úr söfnunarátakinu mikla.

Gunnlaugur á allmarga Íslendinga í safni sínu. Nýjasta viðbótin eru ...
Gunnlaugur á allmarga Íslendinga í safni sínu. Nýjasta viðbótin eru þeir Haraldur Níelsson, prófessor og Ólafur Thors forsætisráðherra. Á myndinni heldur hann á þeim ásamt Davíð Oddssyni og Sigvalda Kaldalóns, lækni og tónskáldi. Sigvaldi var afi Gunnlaugs í móðurætt. Árni Sæberg
mbl.is

Innlent »

Skynsamlegra að RÚV sé á fjárlögum

08:48 Óli Björn Kárason þingmaður Sjálfstæðisflokks segir að það sé ef til vill skynsamlegt að leggja niður útvarpsgjaldið og setja starfsemi RÚV alfarið á fjárlög. Honum líst vel á að RÚV hverfi af auglýsingamarkaði, en segir það aðra umræðu hvort „bæta“ þurfi ríkisfyrirtækinu tekjutapið. Meira »

Leituðu að vopnuðum manni

07:32 Fjölmennt lögreglulið leitaði að vopnuðum manni í Breiðholti í gærkvöldi og í nótt, en um kl. 23 í gærkvöldi barst lögregluni tilkynning um að maður væri á ferð í hverfinu með haglabyssu. Meira »

Eldur eftir flugeldasýningu í Hveragerði

07:24 Talsverður eldur kviknaði í gróðri í Hveragerði laust fyrir kl. 23 í gærkvöldi, við skotpall flugeldasýningar sem þar var haldin í tilefni bæjarhátíðar. Aldís Hafsteinsdóttir bæjarstjóri birti myndskeið af slökkvistarfinu. Meira »

Hyggst kæra ólögmæta handtöku

Í gær, 22:32 „Ég er hissa á lygunum sem lögreglan lætur frá sér og mér finnst mjög sárt að vera handtekinn fyrir það hver ég er en ekki fyrir eitthvað sem ég gerði. Ég hélt að slík vinnubrögð liðust ekki,“ segir Elínborg Harpa Önundardóttir, sem var handtekin fyrir meint mótmæli í miðri Gleðigöngunni fyrr í dag. Meira »

Leit með sónar skilaði ekki árangri

Í gær, 20:49 Leitin að belgíska ferðamanninum sem talin er hafa fallið ofan í Þingvallavatn hélt áfram í dag með köfurum, þyrlu og sónartækjum sem skönnuðu botninn þar sem það var hægt. Þetta segir Gunnar Ingi Friðriksson, formaður svæðisstjórnar björgunarsveita. Meira »

Ríkisstjórnin styrkir Reykjavíkurleikana

Í gær, 20:45 Ríkisstjórnin samþykkti á fundi sínum í gær að veita fjögurra milljóna króna styrk af ráðstöfunarfé sínu til Reykjavíkurleikanna sem haldnir verða árið 2020, en Íþróttabandalag Reykjavíkur hefur ásamt sérsamböndum innan Íþrótta- og Ólympíusambands Íslands og Reykjavíkurborg haldið Reykjavíkurleikana frá árinu 2008. Meira »

Bílstjóri Dr Strangelove

Í gær, 20:40 Á sjöunda áratugnum starfaði listamaðurinn Jón Valgeir Stefánsson sem bílstjóri í Berkeley, en meðal farþega hans var eðlisfræðingurinn Edward Teller, sem er að mörgum talinn faðir vetnissprengjunnar. Teller er fyrirmynd kvikmyndapersónunnar Dr Strangelove í samnefndri mynd Stanley Kubrick. Meira »

Vekur athygli á ofbeldi gegn börnum

Í gær, 20:20 Einar Hansberg Árnason lagði í gær af stað í hringferð til að styðja átak UNICEF á Íslandi gegn ofbeldi á börnum. Á einni viku, eða til 24. ágúst ætlar hann að stoppa í 36 sveitarfélögum og róa, skíða eða hjóla í sérstökum þrektækjum 13.000 metra á hverjum stað, einn metra fyrir hvert barn sem brotið er á. Meira »

Enginn hlaut 100 milljónirnar

Í gær, 19:38 Fyrsti vinningur lottósins gekk ekki út í kvöld en hann hljóðaði upp á rúmlega eitt hundrað milljónir króna. Fyrsti vinnungur verður því áttfaldur eftir viku. Meira »

150 milljónirnar „ótrúlegt bruðl“

Í gær, 18:52 „Það slær mann sem ótrúlegt bruðl,“ segir Bjarni Benediktsson, fjármálaráðherra og formaður Sjálfstæðisflokksins, í samtali við Ríkisútvarpið spurður um 150 milljóna króna starfslokasamning Arion banka við Höskuld Ólafsson, fyrrverandi bankastjóra bankans. Meira »

Metfjöldi á Ísdegi Kjörís í Hveragerði

Í gær, 18:37 „Þetta hefur gengið rosalega vel, alveg meiriháttar. Ég held við höfum sjaldan verið með jafn marga gesti og í dag,“ segir Guðrún Hafsteinsdóttir, markaðsstjóri Kjörís, í samtali við mbl.is um Ísdag Kjöríss sem haldin var í dag samhliða bæjarhátíðinni Blómstrandi dagar í Hveragerði. Lúsmísinn kom vel út. Meira »

Tekur ekki bara fallegar myndir

Í gær, 18:00 Chris Burkard, ljósmyndari og ævintýramaður, ferðast til allra heimshorna til að taka ótrúlegar landslagsmyndir sem og myndir af fólki við krefjandi aðstæður. Hann nýtur gífurlegra vinsælda, heldur úti instagram reikningi með milljónum fylgenda og hefur unnið fyrir mörg af stærstu fyrirtækjum heims. Meira »

Best að dæma ekki bókina af leðurkápunni

Í gær, 17:02 Hatari lét sitt ekki eftir liggja og var óvenju glaður í bragði þegar mbl.is rakst á sveitina í Gleðigöngunni. Þeir fagna fjölbreytileikanum í miðbænum í dag, enda samræmist það hugmyndafræðinni. Meira »

Vilja meira en bara þorsk og ýsu

Í gær, 16:50 Íslenskir neytendur eru orðnir opnari fyrir því að kaupa og matreiða fisktegundir sem áður sáust varla í eldhúsum landsmanna. Dýrari fiskurinn selst betur eftir því sem dregur nær helginni. Meira »

Var að mótmæla þátttöku lögreglunnar

Í gær, 16:49 Kona sem var tekin höndum og færð inn í lögreglubíl í miðbæ Reykjavíkur í dag í miðri Gleðigöngu var að mótmæla þátttöku lögreglunnar í Gleðigöngunnar. Hún er hluti af róttækum samtökum hinsegin fólks. Meira »

Laun ríkisforstjóra hækkað um fjórðung

Í gær, 16:42 Laun forstjóra hjá ríkisstofnunum hafa hækkað um nánast fjórðung síðan ákvarðanir um laun þeirra voru færðar frá kjararáði til stjórna þeirra stofnana sem forstjórarnir stjórna fyrir tæpum tveimur árum. Laun forstjóra Landbankans hafa hækkað um rúmlega 1,7 milljónir síðan í júní 2017. Meira »

Verðið oftast lægst hjá A4

Í gær, 16:20 Verð á notuðum námsbókum fyrir framhaldsskólanema voru oftast lægst í A4 samkvæmt nýrri könnun verðlagseftirlits Alþýðusambands Íslands sem framkvæmd var 15. ágúst. Meira »

Dagur í skýjunum með daginn

Í gær, 15:55 Dagur B. borgarstjóri er hinn ánægðasti með Gleðigönguna í ár, þá fjölmennustu hingað til. Fjörið er að ná hámarki í Hljómskálagarðinum og á vafalaust eftir að standa fram á regnbogalitaða nótt. Meira »

Mótmælti Gleðigöngu og var handtekin

Í gær, 15:30 Íslensk kona var handtekin í Gleðigöngu Hinsegin daga sem fer nú fram í miðborg Reykjavíkur. Í samtali við mbl.is segir Jóhann Karl Þórisson aðstoðaryfirlögregluþjónn að konan hefði verið að mótmæla gleðigöngunni, ekki hlýtt fyrirmælum lögreglu og hefði því verið handtekin. Meira »
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Gisting við flugvöll...
Lítið og kósí sumarhús við lítinn flugvöll á kjarri vöxnu landi á suðurl. 2 nætu...
Þýsku kerrurnar, ný sending
Fleiri myndir á Bland: https://bland.is/classified/entry.aspx?classifiedId=38248...
Ég skal selja fyrir þig!
Fasteignir óskast á söluskrá....