Einn ökumaður var tekinn fyrir ölvunarakstur í morgun á leið frá Landeyjahöfn. Fimm ökumenn voru teknir fyrir hraðakstur og einn af þeim var sviptur ökuréttindum á staðnum. Þetta segir Fjölnir Sæmundsson, varðstjóri hjá lögreglunni á Suðurlandi, í samtali við mbl.is.

„Það er allt með kyrrum kjörum í Landeyjahöfn því síðasti bátur er farinn. Síðasta ferð var klukkan fimm og næsti bátur kemur til baka klukkan tvö í nótt. Við erum því ekki með neinn sérstakan viðbúnað þar núna en við verðum með mikinn viðbúnað í nótt.“

Frétt af mbl.is

Reynslan sýnir að fólk er að taka sénsa

Fjölnir segir eitthvað hafa verið um að fólk hafi skilað sér til baka úr Vestmannaeyjum þó að lítið hafi verið um það.

„Umferðin í vesturátt hefur verið að aukast sem er merkilegt. Það er eins og fólk sé byrjað að fara í bæinn,“ bætir hann við.

Lögreglan á Suðurlandi er á þjóðveginum að mæla og verður það áfram svo það er eins gott fyrir ökumenn að haldi sig undir eða við hámarkshraða.

Tengdar fréttir

Verslunarmannahelgin

Sjáðu myndirnar frá hátíðum helgarinnar

• Búið að fjarlægja rútuna
• Rólegheit og þolinmæði gott veganesti í dag
• Þrjár líkamsárásir í Eyjum gær
• Hélt bolta á lofti í tæpan hálftíma

» Fleiri tengdar fréttir

• Blogga um frétt