Skýrslugerð um fjórða pakkann hafnað
Setja bókamerki
Meirihluti utanríkismálanefndar Alþingis hefur hafnað þeirri ósk Gunnars Braga Sveinssonar, þingflokksformanns Miðflokksins, að farið verði þess á leit við þingið eða utanríkisráðuneytið vinni skýrslu eða greinargerð um fjórða orkupakka Evrópusambandsins. Þessu greinir Gunnar Bragi frá á Facebook.
Fjallað var um skýrslubeiðni Gunnars Braga á mbl.is fyrr í dag en þar var haft eftir honum að hann ætti ekki von á öðru en að vel yrði tekið í málið af utanríkismálanefndinni. Þar óskaði Gunnar Bragi eftir að skoðuð yrði hvaða áhrif það hefði á orkumál hér á landi ef fjórði orkupakkinn, sem samþykktur hefur verið af Evrópusambandinu og til stendur að taka upp í EES-samninginn, verður innleiddur í íslenska löggjöf.
„Meirihlutinn ber því við að þingflokkar geti gert þetta sjálfir og vísa í því tilefni til samkomulags um þinglok. Þar stendur að þingflokkum sé heimilt að láta framkvæma ákveðna vinnu o.s.frv. Hvergi kemur fram að Alþingi eða framkvæmdavaldið muni ekki skoða málið frekar. Það er með ólíkindum að meirihlutinn undir forystu Sjálfstæðisflokksins skuli neita að leita svara við mikilvægum spurningum!,“ segir hann.
Gunnar Bragi hefur óskað eftir því að meirihlutinn vísi erindi hans til Utanríkisráðuneytisins. „Fróðlegt verður að sjá hvort meirihluti utanríkismálanefndar verður við þeirri ósk og þá hvort ráðuneytið svari.“
„Búið að vera í dreifingu í einhvern tíma“
Sárt að horfa upp á illa meðferð fjármuna
Bjarkey stendur við skammarbréf Svandísar
Myndskeið: Segjast hafa skotið niður sprengjuflugvél
Segjast hafa skotið niður langdræga sprengjuvél
Hyggjast leyfa fólki að skoða gosið
Mun fara sparlega með málskotsréttinn