Kerskáli þrjú í álveri Rio Tinto í Straumsvík verður endurræstur í byrjun september. Nokkra mánuði getur tekið að koma skálanum að fullu í gagnið að nýju. Frá þessu var greint í hádegisfréttum RÚV. 

Svokallaður ljósbogi myndaðist í kerskálanum 21. júlí og var slökkt á öllum kerjunum í kerskálanum í kjölfarið. Um þriðjungur framleiðslu álversins fer fram í skálanum en alls eru 160 ker í hverj­um ker­skála í ál­ver­inu.

Frétt af mbl.is

Ekki erfið ákvörðun að slökkva á skálanum

Bjarni Már Gylfason, upplýsingafulltrúi Rio Tinto, segir í samtali við RÚV að nokkur ker verði ræst á dag og nokkrir mánuðir séu í að skálinn verði að fullu kominn í gagnið. 

Rio Tinto hefur ekki viljað upplýsa hvað gerðist nákvæmlega í skálanum þegar ljósboginn myndaðist. Bjarni segir að fyrirtækið viti hvað þurfi til að koma í veg fyrir að atvikið endurtaki sig.

Tengdar fréttir

Kerskála lokað í Straumsvík

Endurræsing hafin í kerskála þrjú

• Tveir skálar „í gjörgæslu“
• Funda með starfsfólki vegna kerskála
• Ekki erfið ákvörðun að slökkva á skálanum
• Gott að kaupa súrál frá sama birgja

» Fleiri tengdar fréttir

• Blogga um frétt