Suðurlandsvegur í Eldhrauni, Skaftárhreppi, vestan Kirkjubæjarklausturs er lokaður um óákveðinn tíma vegna umferðarslyss.
Ökumönnum er bent á hjáleið um Meðalland.
Frekari upplýsingar er ekki hægt að veita að sinni, að því er segir í tilkynningu frá lögreglunni.
Uppfært kl. 20.54:
Að sögn Landhelgisgæslunnar er þyrlan TF-LIF á leiðinni á vettvang.
Uppfært kl. 21:25:
Um var að ræða bílveltu og voru fjórir í bílnum. Þyrlan er búin að sækja þann eða þá sem slösuðust og er á leiðinni á Landspítalann.
Opnað verður fyrir umferð um veginn innan skamms, að sögn lögreglunnar á Suðurlandi.
Uppfært kl. 21.32:
Í tilkynningu frá lögreglunni kemur fram að Suðurlandsvegur hafi verið opnaður að nýju fyrir allri umferð.
Vettvangsvinnu lögreglunnar er lokið.