Maðurinn sem leitað er við Þingvallavatn er erlendur ferðamaður, rúmlega fertugur að aldri.  Lögreglan var að vinna í því í gærkvöldi og í nótt að ná tengslum við aðstandendur hans og spyrja út í ferðir hans.

Frétt af mbl.is

Leit að hefjast við Þingvallavatn

Þetta staðfestir Sveinn Kristján Rúnarsson, yfirlögregluþjónn hjá lögreglunni á Suðurlandi, við mbl.is

Fram kemur í tilkynningu frá lögreglunni á Suðurlandi að þegar lögreglan fór á vettvang í gær ásamt björgunarsveitum hafi fljótlega fundist eins manns kajak, uppblásinn, og með honum hafi flotið bakboki. Við nánari skoðun kom í ljós að eigandi hans er erlendur ferðamaður sem hafði gist á tjaldsvæðinu á Þingvöllum nóttina áður.

„Lögreglan vinnur nú í því að fá upplýsingar frá aðstandendum ferðamannsins varðandi ferðaáætlanir og plön og nýtur við það aðstoðar utanríkisþjónustu utanríkisráðuneytisins,“ segir í tilkynningunni.

Sex hópar mættir á svæðið

Leit björgunarsveitarmanna að manninum, sem talinn er hafa dottið í vatnið úr bát, hófst við bakka Þingvallavatns upp úr klukkan níu í morgun og verður leitað meðfram vatninu. Þá eru sex hópar mættir á svæðið og nokkrir til viðbótar á leiðinni, segir Davíð Már Björnsson, upplýsingafulltrúi Landsbjargar, í samtali við mbl.is.

Frétt af mbl.is

Fundu bakpoka í vatninu

Næg verkefni hjá björgunarsveitum

Davíð segir ekki vitað hvort þurfi meiri mannskap fyrr en líður á daginn, en búist er við að tugir muni koma að leitinni í dag. Þá sé nóg að gera hjá björgunarsveitunum þar sem þær eru einnig að annast gæslu vegna tónleika Eds Sheerans í Laugardal og sinna hálendisvakt.

Spurður hvort það gæti farið svo að það þyrfti að nýta mannskap úr Laugardal í leitina við Þingvallavatn svarar Davíð að svo sé ekki. „Þá myndum við kalla út sveitir sem eru lengra í burtu. Á því svæði erum við með um fjögur þúsund virka sjálfboðaliða.“

Tengdar fréttir

Leitað að manni við Þingvallavatn

Leit að De­becker endanlega hætt

• Hafa engar vísbendingar um lík Belgans
• Fylgjast áfram vel með vatninu
• Hlé gert á formlegri leit að sinni
• Kafbátur við leit í Þingvallavatni

» Fleiri tengdar fréttir

• Blogga um frétt