Fimm í fangageymslum eftir Fiskidaginn

Fimm gista fangageymslur lögreglunnar á Akureyri og Dalvík eftir Fiskidaginn mikla en hátíðinni lauk í gærkvöldi. Í einu tilfelli var ráðist á lögregluþjón við handtöku.

Að sögn varðstjóra hjá lögreglunni á Dalvík var erilsamt í gærkvöldi og nótt og í mörg horn að líta. Nokkuð var um pústra á milli manna en ekkert alvarlegt þó.

Tveir þeirra sem voru handteknir gista fangageymslur á Dalvík og þrír á Akureyri.

Ró var komin yfir bæinn um klukkan hálfsex, sex í morgun.

Enginn var tekinn grunaður um ölvunar- eða fíkniefnaakstur.

• 1 blogg um fréttina

Bloggað um fréttina

• Helga Dögg Sverrisdóttir: Laða jafn marga að sér