Tónlistarmaðurinn Ed Sheeran, sem heldur seinni tónleika sína á Laugardalsvelli í kvöld, hefur birt mynd af sér á Instagram-síðu sinni þar sem hann bregður á leik við íslistaverk.

Að sjálfsögðu er hann í íslenska landsliðsbúningnum, eins og í lok tónleikanna í gær, en ekki fylgir sögunni hvar hann var staddur þegar myndin var tekin.

Myndin hefur fengið 263 þúsund „læk“ á þeim klukkutíma sem er liðin síðan myndin var birt.

Sheeran hefur dvalið hér á landi í nokkra daga og kynnst meðal annars íslenskri náttúru og mannlífi og miðað við stemninguna á myndinni var hann ánægður með kynni sín af íslenska klakanum.

Þrjátíu þúsund Íslendingar sóttu tónleika hans í gærkvöldi og von er á um tuttugu þúsund á tónleikana í kvöld.

Tengdar fréttir

Ed Sheeran á Íslandi

Hélt agnarsmátt brúðkaup þrátt fyrir auðæfin

• Ed Sheeran kominn í 18 mánaða frí
• Ljúfi föli rauðhausinn Sheeran
• Ed Sheeran í skýjunum
• Fór létt með að lyfta Sheeran

» Fleiri tengdar fréttir

• Blogga um frétt