Aðgengi áfram tak­markað í Mývatnssveit

Aðgengi verður áfram takmarkað að þremur vinsælum ferðamannastöðum í Mývatnssveit, það er Hverum, Leirhnúk og Stóra-Víti, sem eru allir í landi Reykhlíðar. 

Frétt af mbl.is

Aðgengi takmarkað að náttúruperlum í Mývatnssveit

Guðmundur Ingi Guðbrandsson, umhverfis- og auðlindaráðherra, staðfesti í dag ósk Umhverfisstofnunar um framlengingu á takmörkun umferðar við staðina þrjá, að því er fram kemur í frétt á vef Umhverfisstofnunar.

Umhverfisstofnun takmarkaði umferð við þessa þrjá staði í byrjun mánaðarins til tveggja vikna og skyldi ástand svæðisins svo endurmetið. Niðurstaða nýrrar athugunar er að svæðið er enn mjög blautt og í þannig ástandi að Umhverfisstofnun telur nauðsynlegt vegna mikillar umferðar ferðamanna um svæðið að viðhalda takmörkunum til loka nóvember.

• Blogga um frétt