Glussaleki í Hlíðunum

Slökkviliðið á höfuðborgarsvæðinu var kallað í Hlíðahverfi um ellefuleytið í morgun vegna glussaleka. Slanga hafði sprungið í vinnulyftu á horninu á Eskihlíð og Engihlíð með þeim afleiðingum að tankurinn tæmdist yfir um 25-30 m² svæði.

Slökkviliðsmenn náðu að stöðva lekann er þeir komu á vettvang, en glussinn lenti allur á malbiki. Starfsmenn fyrirtækisins Hreinsitækni komu í kjölfari á staðinn og sáu um að hreinsa upp glussann.

• Blogga um frétt