Malbikað á Suðurlandsvegi

Unnið að malbikun. Mynd úr safni.
Unnið að malbikun. Mynd úr safni. mbl.is/​Hari

Stefnt er að því að malbika aðra akreinina á Suðurlandsvegi, frá Ölvisholtsvegi að Skeiða- og Hrunamannahreppi á morgun. Akreininni verður lokað og umferð stýrt framhjá og verða viðeigandi merkingar og hjáleiðir verða settar upp, að því er segir í tilkynningu.

Áætlað er að framkvæmdirnar standi frá kl. 08:00 til kl. 20:00.

Á sama tíma er unnið við að setja upp víravegrið á Hellisheiði. Þar er þrengt að umferð framhjá framkvæmdasvæði en opið er í báðar áttir á Hellisheiði. Vinna við vegrið heldur áfram út næstu viku.

Vegfarendur eru beðnir um að virða merkingar og hraðatakmarkanir og sýna aðgát við vinnusvæðin. Vinnusvæðin eru þröng og menn og tæki eru við vinnu mjög nálægt akstursbrautum.

mbl.is