Tvö útköll TF-GRO í gær

mbl.is/Kristinn Magnússon

TF-GRO, þyrla Landhelgisgæslunnar, sótti í gærkvöld veikan farþega skemmtiferðaskips um 25 sjómílur suðaustur af Surtsey. Stjórnstöð Landhelgisgæslunnar barst beiðni frá áhöfn skipsins um að nauðsynlegt væri að koma farþeganum undir læknishendur í landi. 

<span>TF-GRO tók á loft frá Reykjavíkurflugvelli klukkan 20:31 í kvöld og var komin að skipinu um fimmtíu mínútum síðar. </span><span>Sigmanni og lækni þyrlunnar var slakað um borð í skemmtiferðaskipið og var sjúklingurinn undirbúinn fyrir hífingu um borð í þyrluna. Eftir að hífingum var lokið var haldið á Landspítalann í Fossvogi.</span> <div> <div><br/>Þetta var annað útkall þyrlusveitarinnar í gær en síðdegis var áhöfn þyrlunnar kölluð út vegna bifhjólamanns sem slasaðist í Kerlingarfjöllum. TF-GRO fór frá Reykjavík á fjórða tímanum og lenti aftur á Reykjavíkurflugvelli klukkan 17 en þar beið sjúkrabíll eftir hinum slasaða.</div> <div><a href="https://www.mbl.is/frettir/innlent/2019/08/19/slasadist_a_motorhjoli_i_kerlingarfjollum/" target="_blank"><strong>Frétt mbl.is</strong></a></div> </div>
mbl.is