Ásteytingarsteinninn kominn í farveg
Setja bókamerki
Samninganefndir Starfsgreinasambandsins, Eflingar og Sambands íslenskra komu til saman til fundar hjá ríkissáttasemjara í dag. Flosi Eiríksson framkvæmdastjóri SGS segir hægt hafi verið að byrja að ræða málin, nú þegar stóra deilumálið á milli stéttarfélaganna og sveitarfélaganna, jöfnun lífeyrisréttinda, er komið í hendur Félagsdóms.
„Sá stóri ásteytingarsteinn er kominn í farveg, þannig að aðilar voru sammála um að þá væri hægt að ræða um önnur atriði. Við fórum yfir þau svona í grófum dráttum í dag,“ segir Flosi í samtali við mbl.is.
Hann segir annan fund vera skipulagðan í Karphúsinu næsta miðvikudag og svo verður vinnufundur á fimmtudeginum þar á eftir. „Nú ætla menn bara að einhenda sér í að ná saman um öll önnur atriði,“ segir Flosi, sem segir jafnframt að báðir aðilar hafi lagt áherslu á það að Félagsdómur skili niðurstöðu sinni um jöfnun lífeyrisréttinda eins fljótt og auðið er. Ekki liggur fyrir hvenær það verður.
Gígbarmurinn hækkað frá því í gær
Skemmtiferðaskip hætt komið nærri Viðey
„Umsátursástand“
Eyjafjarðarbraut lokað vegna alvarlegs umferðarslyss
Banna mengandi búnað sem leyfður er á Íslandi
Æskuvinur Íslendings myrtur í Noregi