Mikil gleði í miðborginni

Miðborgin iðar af lífi á menningarnótt.
Miðborgin iðar af lífi á menningarnótt. mbl.is/Eggert Jóhannesson

„Við erum bara í hæstu hæðum. Þetta hefur gengið alveg ótrúlega. Ótrúlega mikið af fólki, sólin að skína á okkur og mikið af viðburðum út um allt. Þannig að við erum alveg ótrúlega sátt og glöð,“ segir Björg Jónsdóttir, verkefnisstjóri menningarnætur, í samtali við mbl.is.

Mikið hefur verið um að vera í miðborginni í dag og er óhætt að að segja að eitthvað hefur verið í boði fyrir hvern smekk. Menningarnótt er orðin ein stærsta árlega hátíð landsins.

„Laugavegurinn er stappaður, margt fólk úti á Granda, á Hlemm og uppi í Þingholtum, bara alstaðar. Raðir í alla matarvagna. Allir ótrúlega kátir og glaðir. Sólin gerir líklega alla svona glaða,“ segir Björg.

Spurð hvort allt skipulag hafi gengið samkvæmt áætlun svarar hún: „Það hefur ekkert klikkað hingað til og höldum bara áfram að vona það besta.“

Leikhópurinn Lotta nýtur ávallt mikilla vinsælda meðal barna, ekki síður ...
Leikhópurinn Lotta nýtur ávallt mikilla vinsælda meðal barna, ekki síður meðal foreldra. mbl.is/Eggert Jóhannesson

Erill hjá lögreglunni

„Mér finnst vera – þó ég viti það ekki nákvæmlega – að það sé svipað og áður ef ekki fjölmennara í ár. Það er bara fólk út um allt. Það er dreifðara en áður hefur verið,“ svarar Björg spurð um fjölda gesta.

Sigríður Björk Guðjónsdóttir, lögreglustjóri á höfuðborgarsvæðinu, segir mikinn fjölda vera saman kominn í miðbæ Reykjavíkur og að enn sé að fjölga.

„Það er erill hjá okkur en allt gengið talsvert vel,“ segir lögreglustjórinn. Spurð hvernig þetta leggst í mannskapinn svarar hún: „Það er bara mjög gott hljóð í þeim, enda mikil gleði í fólki og gott verður.“

Ekki er verra að fá eitthvað gott að snæða. Fjölbreytt ...
Ekki er verra að fá eitthvað gott að snæða. Fjölbreytt úrval er í borginni í dag. mbl.is/Eggert Jóhannesson
Vísindasmiðjan í Hörpu gladdi margan.
Vísindasmiðjan í Hörpu gladdi margan. mbl.is/Eggert Jóhannesson
Sirkusveisla var í Lækjargötu á menningarnótt.
Sirkusveisla var í Lækjargötu á menningarnótt. mbl.is/Eggert Jóhannesson




mbl.is

Bloggað um fréttina