Senda börnin ekki í skólann
Setja bókamerki
Nokkrir foreldrar barna í Varmárskóla hafa haldið börnum sínum heima og ekki sent þau í skólann. Ástæðan er sú að óvíst er að skólahúsnæðið sé hæft til notkunar fyrir nemendur og starfsfólk, að því er segir í tilkynningu frá Foreldrafélagi Varmárskóla. Loftgæði eru talin slæm því framkvæmdir standa enn yfir og einnig eru enn rakaskemmdir í nokkrum rýmum.
Foreldrar barna sem hafa sýnt einkenni vegna rakaskemmda eru uggandi að senda börnin í skólann á meðan framkvæmdum er ekki lokið. Í júní hófust endurbætur og viðhald á húsnæði skólans en þeim er ekki lokið. Þær standa enn yfir í húsnæði meðal annars þar sem kennsla yngri deildarinnar fer fram. Stjórn félagsins bendir á að hægt hefði verið að gera ráðstafanir.
„Heilmikið hefur verið gert og það gert vel en framkvæmdir standa enn yfir. Unnið er með sterk efni og því er ekki gott loft á því svæði. Einnig eru rakaskemmdir enn á nokkrum stöðum,“ segir Elfa Huld Haraldsdóttir, formaður Foreldrafélags Varmárskóla.
Stjórn foreldrafélagsins hefur tvívegis óskað eftir upplýsingafundi í upphafi skólaárs Ekki er búið að tímasetja þann fund sem á að vera einhvern tíma í september, að sögn Elfu. Tveir fundir voru haldnir með foreldrum í sumar þegar framkvæmdir hófust.
Verkfræðistofan Efla gerði sjónræna skoðun og rakamælingu á skólanum fyrst í júní árið 2017. Þar kemur fram að talsvert er um rakaskemmdir í skólanum.
Öllum námsgögnum sem geymd voru í bókageymslu í kjallara yngri deildar hefur verið fargað. Í einni stofu voru bólstraðir stóla með svampi í setu og var þeim jafnframt fargað. Skólahúsnæðið var þrifið eftir framkvæmdir, að því er fram kemur í frétt á vef Mosfellsbæjar.
Segir nýtt frumvarp gefa eldisfyrirtækjum auðlindir
Fiskikóngurinn: „Mér fannst sárt að heyra það“
Búið að bólusetja börn alla helgina
Moses Hightower og Prins Póló gefa út eyjalag
Fara ekki lengur fram á einangrun yfir Davíð
Myndskeið: „Fólk var komið ískyggilega nálægt“
Áköf mótmæli í bandarískum háskólum