„Við erum búnar að heyra í skipstjóranum og við erum ekki að fara í kvöld eða nótt. Næsti gluggi sem lítur mjög vel út er aðfaranótt þriðjudagsins,“ segir Halldóra Gyða Matthíasdóttir Marglytta í samtali við mbl.is.

Frétt af mbl.is

„Ein fyrir allar og allar fyrir eina“

Sundhópurinn Marglytturnar er staddur í Dover í Englandi þar sem hann bíður færis á að hefja sund yfir Ermarsundið til Cap Gris Nez í Frakklandi.

Vegna óhagstæðra vinda og mikils öldugangs í Ermarsundinu næsta sólarhringinn komast þær ekki af stað, en þær hafa glugga til 10. september og verður þá síðasti séns að fyrir þær að synda af stað á þriðjudag.

Marglyttur skoða sig um í Dover. Ljósmynd/Aðsend

„Það lítur mjög vel út og er búið að líta lengi vel út, svo við erum ekkert hræddar um að það breytist neitt. Við erum mjög brattar á því að við séum að fara aðfaranótt þriðjudagsins,“ segir Halldóra Gyða.

„Við höldum bara áfram að æfa okkur, höldum okkur ferskum með því að ganga. Við göngum hérna um ströndina, einhverjar fóru í golf, einhverjar að skoða bæinn. Við erum bara jákvæðar.“

Frétt af mbl.is

Marglytturnar bíða enn um sinn

Mar­glytt­ur hvetja lands­menn til að styðja við boðsundið yfir Erm­ar­sundið þannig að hægt verði að safna fjár­hæð sem get­ur skipt máli fyr­ir Bláa her­inn. Eim­skip er aðalstyrkt­araðili Mar­glytta og vegna mynd­ar­legr­ar aðkomu fyr­ir­tæk­is­ins renna öll áheit óskipt til Bláa hers­ins. Hægt er að styðja Mar­glytt­ur í AUR-app­inu í síma 788-9966 og með því að leggja inn á reikn­ing 0537-14-650972, kt. 250766-5219 (í nafni Grétu Ingþórs­dótt­ur). 

Tengdar fréttir

Marglyttur synda yfir Ermarsund

Andstyggilegt en samt svo gaman

• Marglyttunum tókst ætlunarverkið
• Þyngra í Marglyttum vegna veðurs og kulda
• Þurfa að synda í gegnum stóran olíuflekk
• Þóreyju flökurt síðustu mínúturnar í sjónum

» Fleiri tengdar fréttir

• Blogga um frétt