Ótímabært að sameina lögregluembættin
Setja bókamerki
Lögreglufélag Suðurlands (LFS) lýsir yfir stuðningi við Landssamband lögreglumanna vegna ályktunar sem send var fjölmiðlum um helgina og fagnar að fram eigi að fara stjórnsýsluúttekt á embætti ríkislögreglustjóra.
Fram kemur í yfirlýsingu sem LFS sendi frá sér í morgun að félagið telji að hraða eigi úttektinni svo niðurstaða komi sem fyrst og „ró geti skapast innan lögreglunnar í landinu“.
Er sú staða sem upp er komin í fata- og bílamálum lögreglu ekki líðandi að mati LFS sem skorar á Áslaugu Örnu Sigurbjörnsdóttur, nýjan dómsmálaráðherra, að beita sér fyrir því að þeim málum verði fundinn ásættanlegur farvegur hratt og örugglega.
„Ágreiningur sá sem nú er uppi milli lögreglustjóra í landinu og ríkislögreglustjóra, m.a. vegna málefna bílamiðstöðvar ríkislögreglustjóra, er til þess fallinn að kasta rýrð á störf lögreglu og mun á endanum koma að mestu niður á öryggi lögreglumanna og almennings í landinu,“ segir í yfirlýsingunni.
LFS er þá ekki sammála hugmyndum Jóns F. Bjartmarz, yfirlögregluþjóns hjá embætti ríkislögreglustjóra, um að lögreglan í landinu sé ein stofnun. Þær hugmyndir séu ótímabærar og til þess fallnar að afvegaleiða umræðuna um embætti ríkislögreglustjóra og þá úttekt sem fram á að fara.
Kvikan virðist nú skiptast til helminga
Stóraukið fé til samgöngusáttmála
„Menn eru bara búnir að forgangsraða“
Hafa samþykkt kaup fyrir um 9,2 milljarða
Segir óábyrgt að skipta út öllu bankaráðinu
Kveðst tala af virðingu: „Ég er enginn dóni“
Mikil skjálftavirkni á landinu áhyggjuefni